ՎԱՀԱԳՆ ՉԱԽԱԼԵԱՆ ԱԶԱՏՈՒԹԵԱՆ ՄԷՋ

0
128

 Հինգ տարուան   բանտարկութենէ ետք, քիչ առաջ, Վրաստանի  Ռուսթավիի  արգելարանէն ազատ արձակուեցաւ  հայ  քաղաքական բանտարկեալ Վահագն Չախալեանը:  Անոր դիմաւորեցին Վրաստանի մէջ  հայկական  եկեղեցւոյ  ներկայացուցիչները, բարեկամները, Վրաստանի  Հայերու Խորհուրդի ղեկավարը: Չախալեան անմիջապէս այցելեց  վիրահայ համայնքի առաջնորդարանը:

  «Բազմազգ Վրաստան»  շարժման  ղեկավար  Առնոլտ Ստեփանեան  լրագրողներուն յայտնեց, թէ  Չախալեան բնական տեսք ունէր, սակայն  երկար տարիներու  բանտարկութիւնը բնականաբար ազդած պիտի  ըլլար անոր առողջութեան:

«Իմ ազատ արձակման   հարցին մէջ իր դերակատարութիւնը, բնականաբար, ունեցաւ Վրաստանի  նոր իշխանութիւնը, սակայն կը  խորհիմ, որ ազատութեան  մէջ եմ համահայկական պայքարի հետեւանքով» ըսաւ  Չախալեան, աւելցնելով .«  Ես  չեմ կրնար  ըսել, եթէ իմ պայքարը  արդիւնքի հասած  է,  այդ մէկը  աւելի ճիշդը դուք կրնաք գնահատել»:

Նշեք, թէ «Միասնական  Չավախք» կազմակերպութեան  ղեկավար  Վահագն Չախալեան Վրաստանի խորհրդարանին կողմէ   հաստատած համաներման  օրէնքին հիման վրայ, ան  ազատ արձակուեցաւ այսօր:  Չախալեան   ձերբակալուեցաւ 21  Յուլիս   2008-ին՝ հանրային կարգը խանգարելու եւ   զէնք կրելու պատճառաբանութեամբ:  Վրաստանի ատեանը   7 Ապրիլ  2009-ին տասը  տարուն բանտարկութեան վճիռ արձակեց անոր դէմ: :

 

LEAVE A REPLY

Please enter your comment!
Please enter your name here