Փեթրիոթները Վտանգ Են Նաեւ Հայաստանի Համար

0
119

 Ռուսիոյ օդուժի նախկին հրամանատար Անաթոլի Քուրնիքով ռուսական «Ինթըրֆաքս» լրատու գործակալութեան յայտնեց, որ Թուրքիոյ մէջ տեղակայուող ամերիկեան Փեթրիոթ հակահրթիռային համակարգերը հիմնականին մէջ ԱՊՀ-ի երկիրներուն դէմ, այսինքն՝ նախ եւ առաջ Ռուսիոյ դէմ ուղղուած են:
Ան համոզում յայտնեց, որ անոնք ոչ այնքան Սուրիոյ դէմ ուղղուած են, որքան Ռուսիոյ՝ նշելով, որ սահմանները մօտ են, եւ Ատրպէյճան Թուրքիոյ դաշնակիցն է, անոնք կրնան շատ դիւրութեամբ Հայաստանը ռմբակոծել, եթէ այդ համակարգերը սահմանին մօտ գտնուող լեռներուն վրայ տեղակայեն:
Բայց եւ այնպէս, ան նշեց, որ այդ հրթիռներուն հասողութիւնը 75 քիլոմեթր է եւ միայն Թուրքիոյ սահմանային շրջանը պիտի պաշտպանեն, այլ խօսքով՝ որեւէ հարց չեն լուծեր, սակայն եթէ իրենց հասողութեան տակ գտնուող օդանաւ մը ի յայտ գայ, անպայման վար պիտի առնեն զայն, իսկ եթէ այդ հրթիռներուն դիրքերն ու հասողութիւնը ծանօթ ըլլան, ապա կարելի է անոնցմէ խուսափիլ, այլ խօսքով՝ Փեթրիոթները միայն հոգեբանական ազդեցութիւն ունին:

 

LEAVE A REPLY

Please enter your comment!
Please enter your name here