Հայաստան Եւրոխորհուրդը Նախագահող Երկիր Պիտի Դառնայ

0
109

Հայաստանը այս տարուան Մայիսէն պիտի ըլլայ Եւրոխորհուրդին մէջ նախագահող երկիր։ Լրագրողներուն հետ ունեցած հանդիպումին ընթացքին Հայաստանի արտաքին գործոց նախարար Էտուարտ Նալպանտեան  նշած է, որ ասիկա շատ պատուաւոր, բայց եւ այնպէս պատասխանատու առաքելութիւն է: «Մենք նախապատրաստում ենք այդ ժամանակաշրջանի մեր առաջնահերթութիւնները, համապատասխան ծրագիր է մշակւում, որը կը ներկայացուի Ապրիլին», յայտնած է արտաքին գործոց նախարարը՝ աւելցնելով, որ Ապրիլին Հայաստան պիտի այցելէ Եւրոխորհուրդի գլխաւոր քարտուղարը՝ ծրագիրին ծանօթանալու նպատակով:
2013-ին Հայաստանը պիտի նախագահէ նաեւ Սեւծովեան տարածաշրջանային յանձնաժողովին մէջ: Էտուարտ Նալպանտեան յայտնած է, որ կը նախատեսուի, որ այս տարի Հայաստանի մէջ կայանայ «Արեւելեան գործընկերութիւն» ծրագիրին մասնակից երկիրներու արտաքին գործոց նախարարներու եւ ԵՄ ներկայացուցիչներու հանդիպումը:
2012 թուականին Հայաստան դիւանագիտական յարաբերութիւններ հաստատած է  չորս պետութեան հետ: Արտաքին գործոց նախարարը կատարուած փոխայցելութիւնները արդիւնաւէտ նկատելով՝ մեծապէս գնահատած է ձեռք բերուած համաձայնութիւններն ու ստորագրուած հարիւր հինգ միջազգային համաձայնագիրներն ու միւս փաստաթուղթերը։

LEAVE A REPLY

Please enter your comment!
Please enter your name here