Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԿԸ ՇՆՈՐՀԱՒՈՐԷ ԵՐՈՒՍԱՂԷՄԻ ՀԱՅՈՑ ՆՈՐԸՆՏԻՐ ՊԱՏՐԻԱՐՔ ԱՄԵՆԱՊԱՏԻՒ ՏԷՐ ՆՈՒՐՀԱՆ ԱՐՔ. ՄԱՆՈՒԿԵԱՆԸ

0
139

 Ն.Ս.Օ.Տ.Տ. Արամ Ա. Կաթողիկոս երէկ հեռաձայնային կապ հաստատեց Երուսաղէմի Հայոց նորընտիր Պատրիարք Ամենապատիւ Տ. Նուրհան Արք. Մանուկեանին հետ եւ շնորհաւորեց իր ընտրութիւնը:

 Վեհափառ Հայրապետը յայտնեց, որ Մեծի Տանն Կիլիկիոյ Կաթողիկոսութեան ու Երուսաղէմի Հայոց Պատրիարքութեան միջեւ յատուկ գործակցութիւն եղած է միշտ եւ վստահաբար վերանորոգ ոգիով պիտի շարունակուի այդ գործակցութիւնը: Վեհափառ Հայրապետը նաեւ յայտնեց, որ աւելի քան երբեք անհրաժեշտ է որ հայ եկեղեցւոյ նուիրապետական չորս աթոռներու միջեւ ներքին միասնականութիւնը ու ամբողջական գործակցութիւնը գործնապէս արտայայտուի մեր ժողովուրդի հաւաքական կեանքէն ներս:

 

LEAVE A REPLY

Please enter your comment!
Please enter your name here