ԸՆՏՐԱԿԱՆ ՆՈՐ ՕՐԻՆԱԳԻԾԸ ԿԸ ԽՈՐԱՑՆԷ ԼԻԲԱՆԱՆՑԻՆԵՐՈՒ ՏԱՐԱԿԱՐԾՈՒԹԻՒՆՆԵՐԸ

0
127

 Լիբանանի մէջ ընտրական  ընդունելի օրինագիծի մը շուրջ ընդհանուր յայտարար գոյացնելու  խորհրդակցութիւնները կը  շարունակուին, առանց  հասնելու  որեւէ համաձայնութեան: Խորհրդարանի նախագահ Նեպիհ Պըրրի ցաւ կը յայտնէ   խորհրդարանական ենթայանձնախումբին մէջ  տիրող մթնոլորտէն:  Ընկերվար Յառաջդիմական կուսակցութեան  պետ Ուալիտ Ճոմպլաթ  յայտարարեց, թէ առարկութիւն չունի ընտրական  խառն  (մեծամասնական եւ  համեմատական)  օրինագիծի մը  կազմութեան,  այն պայմանաւ, որ Ծերակոյտ մը  ստեղծուի  խորհրդարանի ընտրութիւններուն զուգահեռ : Հըզպալլայի ընդհանուր  քարտուղար Հասան Նասրալլա կը նախընտրէ  համեմատական դրութեամբ օրինագիծ մը: Խորհրդարանական    ենթայանձնախումբը  իր  յաջորդ նիստը պիտի գումարէ Երեքշաբթի առաւօտեան:  Միւս կողմէ, խորհրդարանի նախագահ Նեպիհ Պըրրի խորհրդարանական յանձնախումբերը  նիստի մը հրաւիրած է Չորեքշաբթի առաւօտեան: Փաղանգաւոր կուսակցութեան  ետ Ամին Ճեմայելի  կարծիքով ընտրական  օրինագիծին շուրջ  ծագած վէճը հետեւանք է Հըզպալլա-Մուսթաքպալ Հոսանք լարուածութեան:

Նախկին նախարար  Միշէլ Մըր  մերժեց Ուղղափառ  Հանդիպումէն  բխած  օրինագիծը:   Ընտրական մթնոլորտէն հեռու, Ռումիի  բանտին մէջ  ծագած  ըմբոստութիւնը կը շարունակուի, ուր պետութիւնը  բանակցութիւններ սկսած է վարել ապստամբներուն հետ:

Հանրապետութեան նախագահ Միշէլ Սըլէյման  այս  Չորեքշաբթի պաշտօնական այցելութիւն մը պիտի կատարէ Քուէյթ:

LEAVE A REPLY

Please enter your comment!
Please enter your name here