ՊԸՐՐԻ ԿԸ ԲԱՑԱՌԷ 1960-Ի ՕՐԻՆԱԳԾՈՎ ԽՈՐՀՐԴԱՐԱՆԱԿԱՆ ԸՆՏՐՈՒԹԻՒՆՆԵՐԸ

0
130
Berry

Խորհրդարանի նախագահ Նեպիհ Պըրրի   բացառեց  1960-ի  օրինագիծով խորհրդարանական  ընտրութիւնները:  Պըրրի Այն Թինէի մէջ ընդունեց վարչապետ Նեժիպ Միքաթին, որուն հետ քննարկեց լիբանանեան իրադարձութիւնները` ներկայութեամբ առողջապահութեան նախարար Ալի Հասան Խալիլի:

խորհրդարանի նախագահը խորհրդարանի միացեալ յանձնախումբերը հրաւիրեց նիստի մը, որ տեղի պիտի ունենայ Չորեքշաբթի, 30
Յունուարի առաւօտեան: Նիստին ընթացքին պիտի ներկայացուի ընտրական օրէնքի քննարկման խորհրդարանական ենթայանձնախումբին տեղեկագիրը:

Նիստին ներկայ պիտի գտնուին վարչական եւ արդարութեան հարցերու, ելեւմուտքի եւ պետական պիւտճէի, արտաքին եւ արտերկրի լիբանանցիներու հարցերու, ինչպէս նաեւ պաշտպանութեան, ներքին եւ քաղաքապետութեանց հարցերու յանձնախումբերուն անդամները: Փաղանգաւոր եւ Լիբանանեան Ուժեր կուսակցութիւնները անմիջապէս  իրենց պատրաստակամութիւնը յայտնեցին ընդառաջելու Պըրրիի հրաւէրին:

Միւս կողմէ, Պըրրիի մօտիկ աղբիւրներ յայտնեցին, որ խորհրդարանի նախագահը ընդվզած է ընտրական օրէնքը քննարկող խորհրդարանական ենթայանձնախումբին պարզած պատկերէն եւ անհրաժեշտ կը նկատէ, որ ամէնէն արագ միջոցին կարելի ըլլայ բարելաւել այդ յանձնախումբին ընթացքը:

 

LEAVE A REPLY

Please enter your comment!
Please enter your name here