Սփիւռքի նախարարութեան աշխատակազմի հանդիպումը սփիւռքահայ բարձրաստիճան զինուորականներու հետ

0
136

 29 Յունուարին ՀՀ Սփիւռքի նախարարութեան մէջ հանդիպում տեղի ունեցաւ այլ երկրներու մէջ  բարձրաստիճան  կոչումներ ունեցող և պաշտօններ  զբաղեցնող ազգութեամբ  հայ  զինուորականներու հետ:

 Հայաստանի Հանարապետութեան  զինուած ուժերու կազմաւորման 21-րդ տարեդարձին նուիրուած տօնական միջոցառումներուն մասնակցելու նպատակով 25 Յունուարին  Հայաստան ժամանեցին Ռուսիայէն` զօրավար-լեյտենանտ Նորատ Տեր-Գրիգորեանցը, զօրավար-լեյտենանտ Վլատիմիր Չոպանեանը, զօրավար-մայոր Ռոման Յարութիւնովը, Լիբանանէն`  զօրավար, պետական նախարար Փանոս Մանճեանը, Չիլիէն` ծովակալ Հեռնան Գույումճեանը, Ֆրանսայէն` գնդապետ Ռուբիկ Գալստանեանը: 

Ողջունելով հիւրերը՝ ՀՀ Սփիւռքի նախարար Հրանուշ Յակոբեան ըսաւ .« «Զինուորական կոչումներէն ու մասնագիտութենէն բացի մեր հիւրերուն կը  միաւորեն անոնց հայկական արմատները: Հայրենիքի  հանդէպ պարտքի բարձր գիտակցութեամբ անոնցմէ իւրրաքանչիւրը իւրովի  մասնակցած է հայկական բանակի կազմաւորմանն ու Արցախեան գոյամարտին»: Բարձրաստիճան  զինուորականներէն իւրաքանչիւրը ներկայացուց իր  երկրին մէջ  ձեռք  բերած   յաջողութիւնները:

 Նախարար  Հրանուշ Յակոբեան   ներկայացուց նախարարութեան  գործունէութիւնը, Սփիւռքի տարբեր  համայնքներու մէջ իրականացուող  ծրագիրները, նախարարութեան   հետազօտութիւնները եւ   քարոզչական   հրատարակութիւնները:

Հայաստան այցելութեան ընթացքին  զինուորականները հնարաւորութիւն ունեցան այցելելու  հայկական զօրամասեր եւ  ծանօթանալու հայ զինուորի առօրեային:

 Երեւան այցելող  արտերկրի  հայ  զօրավարները  նաեւ այցելեցին  Ծիծեռնակաբերդ եւ   ծաղկեպսակ  զետեղեցին  Մեծ Եղեռնի   նահատակներու  յուշահամալիրին առջեւ:

 

 

 

LEAVE A REPLY

Please enter your comment!
Please enter your name here