Նախագահութեան Թեկնածուները Հանդիպումներ Կ’ունենան Բնակիչներուն Հետ

0
148

Հայաստանի Հանրապետութեան նախագահական թեկնածու Ռաֆֆի Յովհաննէսեան նախընտրական քարոզարշաւի ծիրին մէջ այցելեց  Արարատի մարզ: Ան այցելութիւն տուաւ  Դուին, Սուրէնաւան, Տափերական, իսկ Մարմարաշէնի մէջ բնակիչներուն հետ հանդիպելէ ետք այցելեց  գիւղապետարան, ողջունեց գիւղապետը եւ արդար ընտրութիւն մաղթեց։ 
    Յովհաննէսեան հաստատեց, որ պետութիւնը բաւարար դրամ ունի գիւղացիին աջակցելու համար: «Մենք կարող ենք հարստացնել եւ ծաղկեցնել գիւղը, որը մեր ազգային անվտանգութեան անկիւնաքարերից է»։ Ան անգամ մը եւս շեշտը դրաւ ոռոգման ջուրի գինը մինչեւ 90 տոկոսով նուազեցնելու անհրաժեշտութեան վրայ եւ անընդունելի նկատեց  այն, որ գիւղացին չկարենայ լիարժէքօրէն օգտուիլ այդ բնական բարիքէն։
   Ռաֆֆի Յովհաննէսեան կոչ ուղղեց՝ 18 Փետրուարին աշխոյժ կերպով մասնակցելու ընտրութիւններուն եւ ազատօրէն ու խղճով քուէարկելու նախընտրելի թեկնածուին օգտին:

    Գործող նախագահ  Սերժ Սարգսեան նախընտրական քարոզարշաւի ծիրին մէջ հանդիպում ունեցաւ  Տաւուշի մարզի սահմանամերձ Բերդ քաղաքի բնակիչներուն հետ եւ պատասխանեց անոնց հարցումներուն։
Հարցումներէն մէկը կը վերաբերէր հայ-ատրպէյճանական եւ հայ-թրքական յարաբերութիւններու կարգաւորման: Սարգսեան նշեց, որ այս առումով կարելի չէ լաւատես ըլլալ եւ ըսել, որ մօտիկ ապագային հայ-ատրպէյճանական յարաբերութիւնները պիտի կարգաւորուին եւ մեր տարածաշրջանին մէջ կայունութիւն եւ խաղաղութիւն պիտի հաստատուի:
«Յոռետես եմ, որովհետեւ ես էլ ձեզ նման ամէն օր տեսնում եւ լսում եմ, թէ Ադրբեջանի ղեկավարութիւնն ինչպէս է թոյն ներարկում սեփական ժողովրդի մէջ մեր հանդէպ: Այսպիսի ղեկավարութիւնը տրամադրուած չէ խնդիրները խաղաղ ճանապարհով լուծելու: Հետեւաբար, մենք պէտք է ամրապնդենք մեր սահմանը, բարձրացնենք զինուած ուժերի մարտունակութիւնն ու ընդլայնենք մեր մասնակցութիւնը տարբեր միջազգային կառոյցներին: Այս երեք գործօններին աւելացնելով մեր երկրի կայուն տնտեսական զարգացումը՝ մենք կը պահպանենք յարաբերական խաղաղութիւնը եւ կայունութիւնը ողջ տարածաշրջանում», նշեց Սարգսեան:
Հայ-թրքական յարաբերութիւններու կարգաւորման մասին Ս. Սարգսեան յայտնեց, որ չի կարծեր, թէ մօտիկ ապագային Թուրքիոյ խորհրդարանը կը հաստատէ ստորագրուած արձանագրութիւնները::
Ծանօթանալով Բերդի նոր եկեղեցւոյ կառուցման աշխատանքներուն՝ Սարգսեան նաեւ այցելեց  Նոյեմբերեան

LEAVE A REPLY

Please enter your comment!
Please enter your name here