Պորտիուժա Կը Դատապարտէ Քաղաքացիական Օդանաւերը Հարուածելու Ատրպէյճանի Որոշումը

0
177

 Հաւաքական Անվտանգութեան Պայմանագիրի Կազմակերպութեան (ՀԱՊԿ) գլխաւոր քարտուղար Նիքոլայ Պորտիւժա, անդրադառնալով Լեռնային Ղարաբաղի տարածքէն թռչող քաղաքացիական օդանաւերը կործանելու մասին Ատրպէյճանի կառավարութեան որոշումին՝ յայտնեց. «Ասիկա կա՛մ անյաջող մեկնաբանութիւն է, կա՛մ  անյաջող կատակ»։
«Ես Ատրպէյճանը կը նկատեմ քաղաքակիրթ երկիր, որ հաւատարիմ է համամարդկային կանոններուն», յայտնեց Պորտիուժան:
«Մեծապէս կը կասկածիմ, թէ որեւէ երկրի ղեկավարութիւն կարենայ քաղաքացիական օդանաւերը դիտմամբ կործանելու հրաման տալ: Մեր պատմութեան մէջ եղած են նման դէպքեր, բոլորս կը յիշենք Հեռաւոր Արեւելքի ողբերգութիւնը եւ համաշխարհային հանրութեան արձագանգը», յստակացուց Պորտիուժա:
«Չեմ կարծեր, որ այսօր պետութիւն մը ինքնիրեն կ՛արտօնէ քաղաքացիական օդանաւեր կործանել: Այդ պատճառով՝ այդ տեղեկատուութիւնը լրջութեամբ չեմ ընկալեր», նշեց ան։

LEAVE A REPLY

Please enter your comment!
Please enter your name here