ԵՐԿՈՒ ԶՈՀ, ՏԱՍՆԵՐԵՔ ՎԻՐԱՒՈՐ՝ ԱՆԳԱՐԱՅԻ ՄՕՏ ՄԻԱՑԵԱԼ ՆԱՀԱՆԳՆԵՐՈՒ ԴԵՍՊԱՆԱՏՈՒՆԸ ԱՆՁՆԱՍՊԱՆԱԿԱՆ ԳՈՐԾՈՂՈՒԹԵԱՆ ԹԻՐԱԽ

0
126

Այսօր  կէսօրին,   Անգարայի  մօտ Միացեալ Նահանգներու  դեսպանատան առջեւ   անձնասպանական գործողութեան  մը  հետեւանքով սպաննուեցան  երկու անձեր: «Ռոյթըրզ» լրատուական  գործակալութիւնը  հաղորդեց, թէ երկու զոհերէն մէկը դեսպանատան պահակ մըն է, իսկ միւսը՝  կ’ենթադրուի   ըլլալ գործողութեան հեղինակը:  «Ռոյթըրզ»  աւելցուց, թէ պայթումին հետեւանքով  վիրաւորուած են տասներեք  անձեր:  Թրքական  ոստիկանութիւնը   հաստատեց  «Ռոյթըըրզ»ի   տեղեկութիւնները, աւելցնելով, որ պայթումը պատահած էր  դեսպանատան պահակասենեակին առջեւ:

 Վարչապետ  Ռեճէպ Թայիփ Էրտողան     դատապարտեց  պայթումը եւ  խոստացաւ անձամբ վարել հետաքննութիւնները:  Անգարայի մօտ Միացեալ Նահանգներու դեսպան  Ֆրանսիս  Ռիքարտոնէ  լրագրողներուն  յայտնեց, թէ  Ուաշինկթըն եւ Անգարա  մօտէն պիտի  հետեւին   հետաքննութիւններուն ընթացքին: Ան միաժամաանկ  նշեց, թէ պայթումը  որեւէ հետեւանք պիտի  չունենայ թուրք-ամերիկեան յարաբերութիւններուն վրայ:

Ապահովական աղբիւրներ  զարմանք յայտնեցին, թէ  դեսպանատան  շէնքին վրայ զետեղուած   տեսախցիկները  չէին գործեր:    Թուրքիոյ մէջ  ամերիկեան կառոյցներու դէմ վերջին գործողութիւնը պատահած  էր   9 Յուլիս 2008-ին՝ Իսթանպուլի հիւպատոսարանին  վրայ,  որուն հետեւանքով սպաննուած էին  վեց անձեր:

LEAVE A REPLY

Please enter your comment!
Please enter your name here