ՍՈՒՐԻԱՀԱՅԵՐՈՒ ԲՆԱԿԱՐԱՆԱՅԻՆ ՎԱՐՁԱՎՃԱՐՆԵՐԸ ՊԻՏԻ ՓՈԽՀԱՏՈՒՑՈՒԻՆ

0
120

Հայաստանի  Սփիւռքի  նախարարութեան մօտ  տեղի ունեցաւ  Հայաստանի տարբեր շրջաններու մէջ բնակող սուրիահայերու  հանդիպումը  զբօսաշրջութեան զարգացման հիմնադրամի տնօրէն  Ֆելիքս  Սիմոնեանի հետ:  Հանդիպման նպատակն էր սուրիահայերուն աջակցելու միջոցներ փնտռել:

 Սփիւռքի նախարար  Հրանուշ  Յակոբեանի հետ  ձեռք բերուած նախնական  պայմանաւորուածութեան համաձայն՝ քննարկուեցաւ  հիմնադրամի  նախաձեռնութեամբ  Հայաստանի  շրջաններուն մէջ վարձակալութեամբ  բնակող սուրիահայերու  բնակարանային  վարձավճարներու փոխհատուցման հարցը:  Հայաստանի  շրջաններուն մէջ  բնակող  տասնմէկ    սուրիահայ ընտանիքներ աջակցութիւն ստանալու համար դիմած էին  Սփիւռքի նախարարութեան:

Ֆելիքս Սիմոնեան նշեց, թէ հիմնադրամի կողմէ տրամադրուող օգնութեան չափը կը կազմէ  5 միլիոն դրամ:  Այս գումարով պիտի  փոխհատուցուին  սուրիահայ  ընտանիքներու  Դեկտեմբեր, Յունուար եւ  Փետրուար  ամիսներու բնակարանային վարձքերը: Հատուցման գումարները պիտի  փոխանցուին յառաջիկայ    քանի մը օրերուն:  Հիմնադրամի կողմէ աջակցութիւնը պիտի կրէ շարունակական  բնոյթ:

LEAVE A REPLY

Please enter your comment!
Please enter your name here