ՍՓԻՒՌՔԻ ՆԱԽԱՐԱՐԻ ՏԵՂԱԿԱԼ ՎԱՀԷ ՃԻԼԱՒԵԱՆ ԱՅՑԵԼԵՑ ԻՏԱԼԻԱ

0
148

Սփիւռքի նախարարի  տեղակալ Վահէ Ճիլաւեան եռօրեայ աշխատանքային այցելութեամբ  մեկնեցաւ Իտալիա՝   մասնակցելու  Թորինոյի  եւ  անոր  մօտակայ քաղաքներուն  մէջ Հայոց Ցեղասպանութեան  նուիրուած   հանդիպումներուն եւ միջոցառումներուն:

Ճիլաւեան, Միլանի մէջ  ներկայ գտնուեցաւ Փրոֆեսոր  Պեռնար  Թավերնիայի կազմակերպած   ցուցահանդէսին, ուր ներկայացուեցան  նաեւ հայ նկարիչներու աշխատանքներ:  Ցուցահանդէսին ներկայ գտնուեցան Միլանի  «Հայ Տուն»   մշակութային   կեդրոնի  տնօրէն Մարինա  Մաւեանը , ինչպէս նաեւ համայնքի ներկայացուցիչներ:

Սփիւռքի  նախարարի տեղակալը յաջորդական հանդիպումներ ունեցաւ  իտալական բանակի  զինուորական դաստիարակութեան  Թորինոյի  մասնաճիւղի տնօրէն, զօրավար  Գլաուտիօ  Վերչելոթիի, Աւելիանա  քաղաքի քաղաքապետ  Անճելօ  Փաթրիցիոյի հետ: Ճիլաւեան   յատուկ շնորհակալութիւն յայտնեց  Փաթրիցիոյին՝ տեղական դպրոցներուն մէջ  հայոոց պատմութեան եւ Հայոց Ցեղասպանութեան վերաբերեալ գիտական դասախօսութիւններ, ինչպէս  նաեւ  հայ  մշակոյթի  նուիրուած    համերգներ կազմակերպելու համար:

Վահէ Ճիլաւեան  հանդիպեցաւ  Թորինօ քաղաքի  հայ համայնք ի ներկայացուցիչներուն հետ: Սոյն հանդիպման ներկայ գտնուեցան  Հայոց Ցեղասպանութեան ճանաչման  մէջ մեծ դերակատարութիւն ունեցող   հեղինակութիւններ, ինչպէս՝   Զոքի Սիլվանան եւ  Ֆեռաթելօ  Սիլնանան:  Սփիւռքի փոխնախարարը  հանդիպում մը ունեցաւ   Թորինոյի քաղաքապետ Փիեռօ  Ֆասինոյի հետ եւ անոր  շնորհակալութիւն յայտնեց անցնող՝ 6 Փետրուարին   Հայոց Ցեղասպանութիւնը ճանչնալու քաղաքապետարանի որոշումին:

 Լսատեսողական  աղբիւրներ լայնօրէն անդրադարձան Սփիւռքի նախարարի տեղակալ Վահէ Ճիլաւեանի Իտալիա կատարած այցելութեան մասին: Հանդիպումներուն   ընթացքին  Ճիլաւեանին ընկերակցեցան  Իտալահայոց  Միութեան նախագահ  Փրոֆեսոր  Պայքար Սվազլեանը,   Միլանի մօտ  Հայաստանի Հանրապետութեան  պատուոյ  հիւպատոս  Փիեթրօ  Կուչաքեանը, եւ Թորինոյի  հայ համայնքի  ղեկավար  Կարէն  Քոքցիյեանը:

LEAVE A REPLY

Please enter your comment!
Please enter your name here