ՎԵՀԱՓԱՌ ՀԱՅՐԱՊԵՏԸ ԸՆԴՈՒՆԵՑ ԼԻԲԱՆԱՆԻ ԵՐՏԱՍԱՐԴԱԿԱՆ ՄԻՈՒԹԵԱՆ ՎԱՐՉՈՒԹԻՒՆԸ

0
141

Հինգշաբթի 31 Յունուար 2013-ի երեկոյեան Վեհափառ Հայրապետին այցելեցին Լիբանանի Երիտասարդական Միութեան վարչութիւնը` Փոլ Այանեանի գլխաւորութեամբ: Այցելութեան հիմնական նպատակն էր Վեհափառ Հայրապետին փոխանցել իրենց բարեմաղթութիւնները ինչպէս նաեւ իր տեսակէտները իմանալ ընդհանրապէս Միջին Արեւելքը ու յատկապէս Լիբանանը յուզող հարցերու գծով:

Վեհափառ Հայրապետը շեշտեց քրիստոնեայ–իսլամ գոյակցութիւնը ամրապնդելու հրամայականը, յատկապէս շրջանէն ներս տեղի ունեցող վերիվայրումներու լոյսին տակ: Ան ըսաւ որ դարեր շարուանակ երկու միաստուածեան կրօններու պատկանող համայնքները գոյակցած են: Արդ, ինչ որ ալ ըլլան «արաբական գարուն»ի հետեւանքները, անհրաժեշտ է որ միջ–կրօնական գոյակցութիւնը շարունակուի վերանորոգ յանձնառութեամբ:

Խօսելով Լիբանանի մասին, Վեհափառ Հայրապետը ողջունեց երկրէն ներս տիրող կայունութիւնը եւ ընտրական նոր օրէնք հաստատելու միտող համայնքային ու քաղաքական պատասխանատուներուն տարած աշխատանքը: Այս ծիրէն ներս, Վեհափառ Հայրապետը շեշտեց որ համայնքները կարեւոր դեր պէտք է ունենան իրենց ներկայացուցիչներու ընտրութեան մէջ:

LEAVE A REPLY

Please enter your comment!
Please enter your name here