ԱՍԱՏ ԻՐԱՆԵԱՆ ՊԱՏՈՒԻՐԱԿՈՒԹԻՒՆ ՄԸ ԸՆԴՈՒՆԵՑ ԴԱՄԱՍԿՈՍԻ ՄԷՋ

0
142

Սուրիոյ նախագահ Պաշշար Ասատ երէկ Իրանի Ազգային ապահովութեան գերագոյն խորհուրդի ընդհանուր քարտուղար Սայիտ Ճալիլիի հետ Դամասկոսի մէջ իր հանդիպումէն ետք յայտնեց, որ «Սուրիա իր ժողովուրդին գիտակցութեամբ, բանակին ուժով եւ դիմադրութեան ուղեգիծին կառչածութեամբ ներկայ մարտահրաւէրներուն դէմ դնելու եւ սուրիացի ժողովուրդը եւ անոր պատմական ու քաղաքակրթական դերակատարութիւնը թիրախ դարձնող որեւէ յարձակումի դիմակայման կարողութիւնը ունի»:

Ասատ շեշտեց, որ «Դամասկոսի մօտ Ժամրայա շրջանին մէջ գիտական հետազօտութեանց կեդրոններէն մէկուն դէմ կատարուած իսրայէլեան յարձակումը կը բացայայտէ իսկական դերակատարութիւնը Իսրայէլի, զոր կը կատարէ արտաքին թշնամական ուժերու եւ սուրիական հողամասերու վրայ անոնց գործիքներուն միջոցով` Սուրիոյ կայունութիւնը քայքայելու եւ զայն տկարացնելու համար»:

Ճալիլի իր կարգին Իրանի ամբողջական զօրակցութիւնը յայտնեց Սուրիոյ դիմադրող ժողովուրդին` ընդդէմ Իսրայէլի:

LEAVE A REPLY

Please enter your comment!
Please enter your name here