ԻՐԱՆ ԴՐԱԿԱՆ ՊԻՏԻ ՎԵՐԱԲԵՐԻ ՈՒՂՂԱԿԻ ԲԱՆԱԿՑՈՒԹԻՒՆՆԵՐ ՎԱՐԵԼՈՒ ՈՒԱՇԻՆԿԹԸՆԻ ԱՌԱՋԱՐԿԻՆ

0
174

Իրանի արտաքին գործոց նախարար Ալի Աքպար Սալեհի յայտարարեց, որ Իրան Թեհրանի հետ ուղղակի բանակցութեանց ամերիկեան առաջարկը դրական կերպով կը քննէ: Ան նշեց, որ նման բանակցութեանց համար «կարմիր գիծեր գոյութիւն չունին, այնքան ատեն, որ հիւլէական հարցը լուծելու մտադրութիւն մը գոյութիւն ունի»:
Իսրայէլի արտաքին գործոց փոխնախարար Տանի Այալոն յայտնեց, որ Իսրայէլ Միացեալ Նահանգներու եւ Իրանի միջեւ ուղղակի բանակցութեանց չ՛ընդդիմանար: Այդպիսի երկխօսութիւն մը կրնայ բոլորին համար շահաւէտ ըլլալ», ըսաւ ան:
«Սակայն Թեհրանի մօտ այդ ուղղութեամբ որեւէ փոփոխութիւն չենք տեսներ: Ընդհակառակը, Իրանի դէմ հաստատուած պատժամիջոցները յաջող են, սակայն ներկայիս միջազգային հանրութեան կողմէ յաւելեալ ճնշումներու կարիքը կայ», ըսաւ ան:
Միւս կողմէ, իսրայէլեան բանակը հաղորդագրութիւն մը հրապարակելով՝ յայտնեց, որ սպայակոյտի պետ Պենի Կանց մեկնած է  Միացեալ Նահանգներ, ամերիկացի զինուորական եւ ապահովական պատասխանատուներու հետ քննելու համար Միջին Արեւելքի մէջ ապահովական կացութիւնը: Կանց, իր հնգօրեայ այցելութեան ընթացքին, ամերիկացի զինուորական եւ ապահովական շարք մը պաշտօնատարներու հետ պիտի քննէ ապահովական հասարակաց մարտահրաւէրները, Միջին Արեւելքի ապահովական կացութիւնը եւ Իսրայէլ-Միացեալ Նահանգներ զինուորական համագործակցութիւնը:

LEAVE A REPLY

Please enter your comment!
Please enter your name here