ՌԱՖՖԻ ՅՈՎՀԱՆՆԷՍԵԱՆ ԱՅՑԵԼԵՑ ՍԻՒՆԻՔ ԵՒ ՎԱՅՈՑ ՁՈՐ

0
138

 Հայաստանի նախագահութեան թեկնածու Ռաֆֆի Յովհաննէսեան նախընտրական քարոզարշաւը շարունակած է Վայոց ձորի եւ Սիւնիքի մարզերուն մէջ։
Ան այցելեց  Եղեգնաձոր, Վայք, Ջերմուկ եւ Սիսիան:  Ջերմուկի մէջ ան նշեց, որ առողջարաններու ներուժի վերականգնումը պէտք է դառնայ պետական հոգածութեան առարկայ, ինչ որ կարելիութիւն պիտի տայ միայն զբօսաշրջութեան ծիրին մէջ ստեղծելու հազարաւոր աշխատատեղեր: Ջերմուկի մէջ բնակիչներուն հետ հանդիպելէ բացի ան նաեւ այցելեց  «Ջերմուկ գրուպ» եւ Ջերմուկի մայր գործարաններ:
Սիսիանի մէջ ելոյթ ունենալով ընտրողներուն առջեւ՝ Ռաֆֆի Յովհաննէսեանը այլ խնդիրներու կարգին անդրադարձաւ բնագիտական հանքերու օգտագործման վտանգին:
Յովհաննէսեան  ընտրական հանդիպումներ ունեցաւ  Գորիս, Կապան, Քաջարան, Մեղրի քաղաքներուն եւ Ագարակ աւանին մէջ:  Ելոյթ ունենալով Կապանի կեդրոնական հրապարակին վրայ հաւաքուած կապանցիներուն առջեւ, ան մասնաւորապէս անդրադարձաւ հանքարդիւնաբերութեան խնդիրներուն՝ անթոյլատրելի նկատելով խումբ մը մարդոց կողմէ համազգային սեփականութիւն հանդիսացող հանքերու սեփականաշնորհումը եւ անխնայ շահագործումը՝ ի վնաս շրջակայ միջավայրին:
Մեղրիի եւ Ագարակի ան արծարծեց պտուղ-բանջարեղէնի վերամշակման գործարաններու  հիմնադրման համար պետութեան կողմէ բարենպաստ պայմաններու ստեղծման անհրաժեշտութիւնը։

 

LEAVE A REPLY

Please enter your comment!
Please enter your name here