ՍՓԻՒՌՔԻ ՆԱԽԱՐԱՐԸ ԱՅՑԵԼԵՑ ԵՐԵՒԱՆԻ ԿԻԼԻԿԵԱՆ ՎԱՐԺԱՐԱՆԸ

0
173

 Այսօր՝ Երեքշաբթի առաւօտեան, Սփիւռքի նախարար  Հրանուշ Յակոբեան այցելեց Հալէպի    հանրածանօթ Կիլիկեան  վարժարանի անուանակիր՝ Երեւանի Կիլիկեան վարժարանը:  Նախարարը  հանդիպեցաւ  վարժարանի    տնօրէնութեան, ուսուցչական կազմին եւ  աշակերտութեան հետ:  Երեւան հաստատուած   հալէպահայերու մեծամասնութիւնը  իրենց զաւակները կ’ուղղարկեն Կիլիկեան վարժարան, ուր   վարժարանին տնօրէնութիւնը՛ ուսուցչական կազմը եւ   կրթական պատասխնատուները  իրենց լաւագոյնը կը մատուցեն  շարունակելու Հալէպի Կիլիկեան վարժարանի  լաւագոյն աւանդութիւնները:

 Այցելութիւնը առիթ մը եղաւ, որ Սփիւռքի նախարարը աւելի մօտէն ծանօթանայ  աշակերտներու ընտանիքները  յուզող հարցերուն:  Երեւանի Կիլիկեան  վարժարանը հիմնուած  է   Սփիւռքի նախարարութեան նախաձեռնութեամբ,  կրթութեան եւ   գիտութեան նախարարութեան, Երեւանի   քաղաքապետարանի   ջանքերով, «Կիլիկիա» բարեսիրական կազմակերպութեան  աջակցութեամբ:  Դպրոցը կը գործէ  Հոկտեմբերի սկիզբէն Երեւանի  Նար Դոսի անուան  թիւ 14    հիմնական դպրոցին մէջ:

 Կիլիկեան վարժարանին մէջ սուրիական  կրթական  ծրագիրով, արաբերէն լեզուով  ուսում ստանալու ցանկութիւն յայտնած են   Հայաստանի մէջ գտնուող  շուրջ 300  սուրիահայեր:

   Այս առիթով  նախարար Հրանուշ Յակոբեան 6-րդ դասարանցի   Կարի  Պապօղլեանին  փոխանցեց  Հայաստանի   հանրապետութեան նախագահ Սերժ Սարգսեանի նամակը՝  ուր հանրապետութեան նախագահը  շնորհակալութիւն կը յայտնէ  պատանիին՝ Ամանորի իւրօրինակ  նուէրի «Վերադարձ»  կուչուող  նկարին  համար:

 Հրանուշ  Յակոբեան յայտարարեց, որ   Սփիւռքի   նախարարութեան՝ « Հայրենիք Քեզ այսպէս  եմ տեսնում» ստեղծագործութիւններու մրցոյթին արդիւնքները պիտի  հրապարակուին 1 Յունիսին՝  Երեխաներու  Պաշտպանութեան  Միջազգային Օրը:

 Հանդիպման  աւարտին  Կիլիկեանցի աշակերտները ասմունքեցին  ու երգեցին՝ ներկայացնելով Հայաստանի մէջ   գտնուելու ընթացքին իրենց սորված երգերէն:  Սփիւռքի նախարարը  հաւաստիացուց  կիլիկեանցի աշակերտներուն, որ   մօտէն պիտի   հետեւի անոնց  ուսումնական յառաջդիմութեան.«  Ձեր հերոսութիւնը,  Ձեր  բարձր  յառաջդիմութիւնը պէտք է  ըլլայ,  դուք  պէտք է  շատ լաւ սորվիք, դառնաք գրագէտ, մրցունակ, խելացի  մարդիկ»   ըսաւ  նախարար Հրանուշ Յակոբեան:

 

LEAVE A REPLY

Please enter your comment!
Please enter your name here