ՄԻՋԱԴԷՊ ԻՐԱՆ-ԱՏՐՊԷՅՃԱՆ ՍԱՀՄԱՆԱԳԻԾԻՆ ՎՐԱՅ

0
156

 Իրանեան «Թապնաք.իր» կայքը կը տեղեկացնէ, թէ ատրպէյճանցի սահմանապահներ Երեքշաբթի, Փետրուար 5-ին դարձեալ կրակ բացած են Իրանի քաղաքացիներու վրայ՝ վիրաւորելով անոնցմէ երկուքը:
«Թէեւ ատրպէյճանական լրատուամիջոցները, յղում կատարելով իրենց երկրի զինուած ուժերու հաղորդած տեղեկութեանց՝ կը պնդեն, թէ վիրաւորուած անձերը զինուած եղած են, Փարսապատի սահմանապահ ծառայութեան հրամանատարութիւնը տեղեկացուցած է, թէ երկու իրանցիները ձկնորսներ էին, որոնք կը փորձէին սահմանային Արաքս գետին մէջ ձուկ որսալ», կը նշէ իրանական աղբիւրը:
Իրան-Ատրպէյճան սահմանին վրայ յաճախ տեղի կ՛ունենան նման բախումներ: Ըստ իրանեան աղբիւրներու՝ 2010-ի Մայիսէն մինչեւ 2012-ի Հոկտեմբեր 28 տեղի ունեցած սահմանային զինեալ միջադէպերու ընթացքին սպաննուած են առնուազն երեք իրանցիներ եւ մէկ ատրպէյճանցի:

 

LEAVE A REPLY

Please enter your comment!
Please enter your name here