ԱՄԵՐԻԿԱՀԱՅՈՒԹԻՒՆԸ ԿԸ ՎԵՐԱՆՈՐՈԳԷ ԴԱԼԱՐ ԳԻՒՂԻ ՄԱՆԿԱՊԱՐՏԷԶԸ

0
154

Լոս Անճելըսի «Ծնողազուրկ եւ հաշմանդամ երեխաներու Սուրբ Ծնունդի» Ամերիկահայ բարեգործական հիմնադրամի նախաձեռնութեամբ, ամբողջութեամբ պիտի վերանորոգուի Արարատի մարզի Դալար գիւղի մանկապարտէզը: Հիմնադրամի ղեկավար Յովհաննէս Բալայեան այս առթիւ նշած է, թէ նախապէս հիմնադրամին աջակցութեամբ վերանորոգուած էր մանկապարտէզի տանիքը, իսկ այժմ հիմնովին պիտի նորոգուի ամբողջ շէնքը: «Շէնքը շատ մեծ է եւ մեծ աշխատանք կը պահանջէ», ըսած է ան:
Բալայեան տեղեկացուցած է նաեւ, որ այդ մանկապարտէզը կը յաճախեն շուրջ 230 երեխաներ: Բարեգործական հիմնադրամը նաեւ Ամանորի միջոցառումներու շարք մը իրականացուցած է Հայաստանի մէջ: Տօնական միջոցառումներուն մասնակցած են մօտաւորապէս տասը հազար երեխայ, հանրապետութեան շարք մը մանկատուներէ եւ այլ հաստատութիւններէ:

 

LEAVE A REPLY

Please enter your comment!
Please enter your name here