ԱՆԴՐԷԱՍ ՂՈՒԿԱՍԵԱՆԻ ԱՌՈՂՋԱԿԱՆ ՎԻՃԱԿԸ ԿԸ ՎԱՏԹԱՐԱՆԱՅ

0
124

Հայաստանի նախագահական թեկնածու, հացադուլ յայտարարած Անդրէաս Ղուկասեանի առողջական վիճակը վատթարացած է: Հայաստանի գիտութիւններու ազգային ակադեմիային մօտ տեղակայուած Ղուկասեանին մօտ եկած են շտապ օգնութեան աշխատակիցները եւ քննած են թեկնածուին: «Արմէնփրէս»ին համաձայն, բժիշկները յայտնած են, որ արեան ճնշումը նուազած է: Անդրէաս Ղուկասեան պէտք է հանգիստ ընէ. ան պառկած է, բժիշկները խորհուրդ տուած են ոտքի չելլել:
Թեկնածուին ղեկավար մարմինի համակարգող Արմէն Գրիգորեան «Արմէնփրէս»ի հետ ունեցած զրոյցին ընթացքին յայտնած է, որ նոյնիսկ այս իրավիճակին մէջ Ղուկասեան բացառած է հացադուլի դադարեցումը եւ պատրաստ է մինչեւ վերջ պայքարելու՝ իր նպատակներուն հասնելու համար: Արմէն Գրիգորեանը բացառած է նաեւ Սահմանադրական դատարան դիմելու կարելիութիւնը, քանի որ հացադուլի պատճառով առողջութեան վատթարացումը ենթակայական գործօն է: «Անդրէաս Ղուկասեանը, հացադուլի գնալով, յստակ գիտակցել է, որ դա չի կարող անյաղթահարելի խոչընդոտ լինել», դիտել տուած է Գրիգորեան:
Անդրէաս Ղուկասեանին այցելած է առողջապահութեան փոխնախարար Վահան Պօղոսեանը: Զրոյցին ընթացքին Հայաստանի նախագահական թեկնածուն իր առողջական վիճակի մասին յատուկ գանգատներ չէ ունեցած, այլ ընդամէնը գանգատած է զարկերակային ճնշման անկումէն եւ որոշակի թուլութենէ՝  յայտնելով, որ որոշած է հացադուլը շարունակել պառկած վիճակի մէջ, որպէսզի կարելի եղածին չափ քիչ կենսուժ սպառէ։ Փոխնախարար Պօղոսեանը առաջարկած է հիւանդանոց փոխադրել զինք եւ քննութիւններ կատարել: Սակայն Անդրէաս Ղուկասեան մերժած է առաջարկը: Նախարար Դումանեանի յանձնարարութեամբ արդէն իսկ շուրջօրեայ բժշկական հսկողութեան տակ դրուած է նախագահական թեկնածուն՝ շտապ օգնութեան անձնակազմին կողմէ:

 

LEAVE A REPLY

Please enter your comment!
Please enter your name here