ՆԱԽԱԳԱՀՈՒԹԵԱՆ ԹԵԿՆԱԾՈՒՆԵՐՈՒ ԸՆՏՐԱԾԱԽՍԵՐԸ

0
120

31 Յունուարի դրութեամբ Հանրապետութեան նախագահութեան ութ թեկնածուներէն նախընտրական հիմնադրամը չէ բացած միայն Արման Մելիքեանը:
Ազգային համաձայնութիւն կուսակցութեան նախագահ Արամ Յարութիւնեանի հիմնադրամին մէջ ալ 31 Յունուարի դրութեամբ ֆինանսական մուտքեր եւ ելքեր չեն եղած:
Կեդրոնական դրամատան տուեալներով, Կենտրոնական ընտրական յանձնաժողովի վերահսկիչ-վերստուգիչ ծառայութեան հրապարակած տեղեկութեան համաձայն, 31 Յունուարի դրութեամբ Հայաստանի նախագահական մնացեալ 6 թեկնածուներէն ամէնէն աւելի մուտքեր եւ ելքեր արձանագրուած են Հայաստանի գործող նախագահ, ՀՀԿի առաջնորդ Սերժ Սարգսեանի հիմնադրամին մէջ: Մուտքերը կազմած են 90 միլիոն 499 հազար 600 դրամ, ելքերը՝ 49 միլիոն 403 հազար 970 դրամ, մնացորդը՝ 41 միլիոն 95 հազար 630 դրամ: Քիչ մը նուազ մուտքեր եւ ելքեր կատարուած են դիւցազնագէտ Վարդան Սեդրակեանի հիմնադրամին մէջ՝ համապատասխանաբար 500 հազար դրամ եւ 230 հազար դրամ: Մնացորդը 270 հազար դրամ է:
Ժառանգութիւն կուսակցութեան նախագահ Ռաֆֆի Յովհաննէսեանի հիմնադրամի մուտքերը եղած են 60 միլիոն դրամ, ծախսերը՝ 56 միլիոն 171 հազար 880 դրամ, մնացորդը՝ 3 միլիոն 828 հազար 120 դրամ:
Ազատութիւն կուսակցութեան նախագահ, Ազգային ժողովի պատգամաւոր Հրանտ Բագրատեանի հիմնադրամի մուտքերը եղած են 5 միլիոն 820 հազար դրամ, ելքերը՝ 4 միլիոն 880 հազար 100 դրամ, մնացորդը՝ 939 հազար 900 դրամ:
Ազգային ինքնորոշում միաւորում կուսակցութեան նախագահ Պարոյր Հայրիկեանի հիմնադրամի մուտքերը եղած են 1 միլիոն 24 հազար դրամ, որմէ ծախսուած է 783 հազար 900 դրամ, մնացորդը՝ 240 հազար 100 դրամ:
«Ռատիօ Հայ» հիմնադիրներու ժողովի նախագահ Անդրէաս Ղուկասեանի հիմնադրամի մուտքերը եղած են 4 միլիոն 100 հազար դրամ, ելքերը՝ 2 միլիոն 86 հազար 600 դրամ, մնացորդը՝ 2 միլիոն 13 հազար 400 դրամ:
Նշենք, որ, ընտրական օրէնսգիրքին համաձայն, այն դրամատուները, ուր բացուած են ժամանակաւոր յատուկ հաշիւներ, թեկնածուներուն արձանագրութեան ժամկէտի աւարտէն ետք երեք աշխատանքային օրը անգամ մը, ԿԸՀ-ի վերահսկիչ-վերստուգիչ ծառայութիւնը տեղեկութիւններ պիտի ներկայացնէ՝ թեկնածուներու նախընտրական հիմնադրամներու ֆինանսական մուտքերուն եւ ելքերուն վերաբերեալ:

 

LEAVE A REPLY

Please enter your comment!
Please enter your name here