ՌԱՖՖԻ ՅՈՎՀԱՆՆԷՍԵԱՆ ԱՇԽԱՏԱՎԱՐՁԵՐԸ ԲԱՐՁՐԱՑՆԵԼՈՒ ԽՈՍՏՈՒՄ ԿՈՒ ՏԱՅ ԺՈՂՈՎՈՒՐԴԻՆ

0
107

Ռաֆֆի Յովհաննէսեան խոստացած է զգալիօրէն բարձրացնել կենսաթոշակներն ու աշխատավարձերը։
«Հայաստանում օրէնքում փոփոխութիւններ կատարելու եւ ստուերային տնտեսութիւնն արմատախիլ անելու միջոցով յառաջիկայ հինգ տարում 480 հազար մարդ աղքատութեան շեմից կը վերադառնայ միջին խաւ»: Իր նախընտրական ծրագիրը ներկայացնելով՝ այս հաստատումը կատարած է Հայաստանի նախագահական թեկնածու, Ժառանգութիւն կուսակցութեան առաջնորդ Ռաֆֆի Յովհաննէսեան:
Ըստ անոր, այս մէկուն կարելի է հասնել աշխատավարձերը բարձրացնելու, եկամուտը արդար բաշխելու եւ նոր աշխատատեղեր ստեղծելու միջոցով: Մինչեւ 2014 նուազագոյն աշխատավարձը եւ կենսաթոշակը պիտի կազմէ 80 հազար դրամ՝ ամէն տարի աւելնալով 10 հազար դրամով՝ գնաճին զուգահեռ: Յովհաննէսեան նշած է, որ կը նախատեսուի նաեւ պետական եւ քաղաքացիական ծառայողներու աշխատավարձերու բարձրացում. հիմնական աշխատավարձը պիտի կազմէ 110 հազար դրամ, իսկ միջին աշխատավարձը՝ 210 հազար դրամ:
Խնայողական դրամատուներուն ներդրած աւանդներուն գծով, ըստ Յովհաննէսեանի, այդ աւանդները պէտք է վճարուեն փոխհատուցման արդար համակարգի միջոցով: «Էական փոփոխութիւններ են անհրաժեշտ Աշխատանքային օրէնսգրքում,  որպէսզի հաւասարապէս պաշտպանուեն ինչպէս գործատուի, այնպէս էլ աշխատողների իրաւունքները», նշած է ան:
Խօսելով 1988-ի Սպիտակի երկրաշարժին պատճառով տուժած գօտիի զարգացման մասին՝ ան նշած է, որ այդ  շրջանի վերականգնման համար 2014ին պետական պիւտճէէն պէտք է յատկացուի 100 միլիոն տոլար: Հայաստանի մէջ մնայուն բնակութեան համար դրացի եւ այլ երկիրներէ գաղթականներուն պիտի տրամադրուին բնակարանային երկարաժամկէտ վարկեր՝ աժան կացարան ձեռք բերելու նպատակով: Այդ գործընթացին մէջ պիտի կիրարկուի գաղթականներու «աշխատանքի մասնակի փոխհատուցման» սկզբունքը: Ըստ Յովհաննէսեանի, մանկատուներու շրջանաւարտներուն բնակարան տրամադրելու նպատակով  անհատոյց վարձակալման սկզբունքով պիւտճէէն ամէն տարի պիտի յատկացուի 500 միլիոն դրամ: Ինչ կը վերաբերի սահմանափակ ֆիզիքական կարելիութիւններ ունեցող մարդոց հարցերուն,  ապա պետութիւնը ամէն ջանք ի գործ պիտի դնէ անոնց ընկերային պայմաններու բարելաւման եւ հասարակութեան մէջ անոնց ներգրաւման նպատակով։

LEAVE A REPLY

Please enter your comment!
Please enter your name here