«ԵԹԷ ՈՐԵՒԷ ՖՈՐՍՄԱԺՈՐ ՉԸԼԼԱՅ, ՍԵՐԺ ՍԱՐԳՍԵԱՆ ԿԸ ՅԱՂԹԷ ԱՌԱՋԻՆ ՀԱՆԳՐՈՒԱՆԻՆ .» Ա. ԻՍԿԱՆՏԱՐԵԱՆ

0
121

«Թեկնածուն, ով ալ  ըլլար Սերժ Սարգսեանի մրցակիցը, եթէ որևէ ֆորսմաժոր չըլլայ` Սերժ Սարգսեանը կը յաղթէ առաջին իսկ  հանգրուանին»,-այսօր լրագրողներու հետ հանդիպման ժամանակ, յառաջիկայ նախագահական ընտրութիւններու եւ  սպասուող զարգացումներու մասին խօսելու ընթացքին յայտարարեց «Կովկաս» ինստիտուտի տնօրէն, քաղաքագէտ Ալեքսանտըր Իսկանտարեանը։

Իսկանտարեանի կարծիքով բացի Սերժ Սարգսեանէն` մնացեալ թեկնածուներու  միջեւ կայ պայքար։ Օրինակ, մրցակցութիւն կայ  Ռաֆֆի Յովհաննիսեանի, Հրանդ Բագրատեանի, Պարոյր Հայրիկեանի միջեւ։

Իսկ ինչ կը վերաբերի թեկնածութիւնը հանելուն, ապա քաղաքագէտը խորհուրդ տուաւ սպասել մինչեւ երեկոյ երբ պարզ կը դառնայ, թէ բացի Արամ Յարութիւնեանէն ով պիտի հանէ թեկնածութիւնը։

«Նախագահական ընտրութիւններուն մասնակցիլը յաղթանակ չէ, սա մէկուն քաղաքականութիւն մտնելու, միւսին` ներկայութիւնը յիշեցնելու, այլոց ալ՝ յայտնի դառնալու համար է անհրաժեշտ»,- ըսաւ Ալեքսանտըր Իսկանտարեան։

Ինչ կը  վերաբերի Պարոյր Հայրիկեանի հետ կապուած դէպքին, ըստ քաղաքագէտին, ոչինչ փոխեց կամ  խառնեց քաղաքականութեան մէջ։

« Մահափորձը Պարոյր Հայրիկեանի թեկնածութեան դէմ չէր ։ Սա կրակոց էր համակարգի դէմ»,- եզրափակեց  Իսկանտարեան։

 ԱՆԻ ԿԱՐԱՊԵՏԵԱՆ

 

LEAVE A REPLY

Please enter your comment!
Please enter your name here