ՄԱՐԴԿԱՅԻՆ ԻՐԱՒԱՆՑ ԿԱԶՄԱԿԵՐՊՈՒԹԻՒՆԸ ԿԸ ԴԱՏԱՊԱՐՏԷ ԱՏՐՊԷՅՃԱՆԻ ՄԷՋ ՁԵՐԲԱԿԱԼՈՒԹՒԻՆՆԵՐԸ

0
156

Մարդկային իրաւանց պաշտպան Մարդկային իրաւանց դէտ միջազգային կազմակերպութիւնը քննադատած է Ատրպէյճանի Իսմայիլի շրջանին մէջ անկարգութիւններ կազմակերպելու մեղադրանքով ընդդիմադիր գործիչներ Իլկար Մամետովի եւ Թոֆիք Եաքուպլուի չհիմնաւորուած ձերբակալութիւնը.  այս մասին հաղորդած է ատրպէյճանական «Contat.az» կայքը:
«Մենք անհանգստացած ենք, որ Իսմայիլլիի դէպքերը սկսած են շահագործուելու՝ կառավարութեան երկու քննադատները լռեցնելու նպատակին համար», յայտարարած է կազմակերպութեան Հարաւային Կովկասի հարցերով աւագ գիտաշխատող Գէորգի Գոգիյեան: Ըստ անոր՝ Ատրպէյճանի իշխանութիւնները պէտք է անյապաղ ազատ արձակեն Մամետովն ու Եաքուպլուն, կամ ներկայացնեն անոնց յանցանքը ապացուցող հիմնաւոր փաստեր:
Ատրպէյճանի իշխանութեան կամայական այս ձերբակալութիւնները դատապարտող յայտարարութեամբ հանդէս եկած է նաեւ Միջազգային ներում կազմակերպութիւնը, որ միաժամանակ մտավախութիւն յայտնած էր, թէ Ատրպէյճանի նախագահական ընտրութիւններուն ընդառաջ՝ իշխանութիւններ կրնան աւելի ու աւելի դաժան կերպով ճնշել այլախոհները:

 

LEAVE A REPLY

Please enter your comment!
Please enter your name here