ՌՈՒՍԻԱ ԵՒ ԵԱՀԿ ՄԻԵՒՆՈՅՆ ՏԵՍԱԿԷՏԸ ՈՒՆԻՆ ՍՏԵՓԱՆԱԿԵՐՏԻ ՕԴԱԿԱՅԱՆԻՆ ՎԵՐԱԲԵՐԵԱԼ

0
139

Ստեփանակերտի օդակայանի բացման հարցով, Ռուսիա կը կիսէ ԵԱՀԿ Մինսքի խմբակի ընդհանուր դիրքորոշումը. այս մասին յայտարարած է Ռուսիոյ արտաքին գործոց նախարարութեան պաշտօնական ներկայացուցիչ Ալեքսանտր Լուքաշեւիչ, պատկերասփռուած հարցազրոյցի մը ընթացքին:
Ան ընդգծած է, որ ԵԱՀԿ Մինսքի խմբակը քանի մը անգամ արդէն իր դիրքորոշումը բացայայտած է օդակայանի բացման կապակցութեամբ: «Մենք կրկին ստացած ենք կողմերուն վերահաստատումը, թէ անոնք զերծ պիտի մնան ուժի կիրառումէ կամ ուժի դիմելու սպառնալիքէ՝ քաղաքացիական օդանաւերու հարցով, եւ թէ իրենք մտադիր են այդ հարցը լուծել դիւանագիտական ճանապարհով», ըսած է Լուքաշեւիչ:
Հայաստանի արտաքին գործոց նախարար Էտուարտ Նալպանտեան Փետրուար 6-ին յայտարարած էր, որ ո՛չ Լեռնային Ղարաբաղը եւ ոչ ալ Հայաստանը երբեւիցէ քաղաքականուցած են ու երբեք պիտի չքաղաքականացնեն Ստեփանակերտի օդակայանի հարցը: «Ստեփանակերտի օդանաւակայանը միայն քաղաքացիական եւ մարդասիրական նպատակների համար է», ընդգծած էր նախարարը:

 

LEAVE A REPLY

Please enter your comment!
Please enter your name here