ԻՐԱՆԵԱՆ ԶԻՆՈՒՈՐԱԿԱՆ ՊԱՏՈՒԻՐԱԿՈՒԹԻՒՆ ՄԸ Կ’ԱՅՑԵԼԷ ՀԱՅԱՍՏԱՆ

0
140

7-9 Փետրուարին աշխատանքային այցելութեամբ Հայաստան կը գտնուի Իրանի պաշտպանութեան եւ զինուած ուժերու աջակցութեան նախարարի տեղակալ, զօր. Նասրոլլահ Քալանթարիի գլխաւորած պատուիրակութիւնը:
Իրանեան պատուիրակութիւնը հանդիպում ունեցած է Հայաստանի պաշտպանութեան նախարարի առաջին տեղակալ Դաւիթ Տօնոյեանի հետ: Ն. Քալանթարիի գլխաւորած պատուիրակութիւնը տեսակցած է նաեւ պաշտպանութեան նախարար Սէյրան Օհանեանի հետ:
Հանդիպումներուն ընթացքին կողմերը քննարկած են հայ-իրանական երկկողմանի համագործակցութեան վերաբերող, ինչպէս նաեւ տարածաշրջանային խնդիրներու ու հակամարտութիւններու կարգաւորման առնչուող հարցեր:
Դաւիթ Տօնոյեան եւ զօր. Քալանթարին պաշտպանութեան նախարարութեան Վ. Սարգսեանի անուան ռազմական հիմնարկին մէջ հանդիսաւոր կերպով բացումը կատարած են իրանեան կողմի աջակցութեամբ կահաւորուած պարսկերէնի ուսուցման լսարանին:
Հիմնարկի դասախօսական կազմի եւ իրանական պատուիրակութեան միջեւ կայացած հանդիպումին ընթացքին կողմերը քննարկած են երկու երկիրներու ռազմաուսումնական կրթական հաստատութիւններուն միջեւ համագործակցութեան զարգացման հարցեր:
Այցելութեան ծիրին մէջ կը նախատեսուի, որ իրանական պատուիրակութիւնը այցելէ Մայր Աթոռ Սուրբ Էջմիածին, Երեւանի Կապոյտ մզկիթ, Մատենադարան եւ այլ վայրեր:

 

LEAVE A REPLY

Please enter your comment!
Please enter your name here