ՊԱՔՈՒ ԿԸ ՇԱՐՈՒՆԱԿԷ ԽԵՂԱԹԻՒՐԵԼ ՊԱՏՄՈՒԹԻՒՆԸ

0
123

«Խոջալուի ցեղասպանութեան միջազգայնօրէն ճանաչում ապահովելու արշաւը տարուէ տարի կ՛ընդարձակուի», յայտարարեց Ատրպէյճանի արտաքին գործոց նախարարութեան մամլոյ սպասարկութեան ղեկավար Էլման Ապտուլլաեւ, աւելցնելով, թէ այս աշխատանքը արտաքին գործոց նախարարութեան համար առաջնակարգ կարեւորութիւն կը ներկայացնէ: Ան ըսաւ, որ Ատրպէյճանի բոլոր դիւանագիտական առաքելութիւնները աշխոյժ աշխատանք կը տանին այդ ուղղութեամբ:
Ապտուլլաեւ ողջունեց այն իրողութիւնը, որ իր աշխատանքը աւարտած Իսլամական Համագործակցութեան Խորհուրդի գերաստիճանը առաջին անգամ ըլլալով իր եզրափակիչ փաստաթուղթին մէջ «Խոջալուի ցեղասպանութիւն»ը դատապարտած է: Իսլամական խորհուրդը նաեւ որոշած է նեցուկ կանգնիլ «Արդարութիւն Խոջալուի համար» արշաւին:

 

LEAVE A REPLY

Please enter your comment!
Please enter your name here