ՍՓԻՒՌՔԻ ՄՏԱՒՈՐԱԿԱՆՆԵՐՈՒ ԿԱՐՈՂՈՒԹԻՒՆՆԵՐԸ ՆԵՐԳՐԱՒԵԼՈՒ ԾՐԱԳԻՐ

0
154

Հայաստանի վարչապետ Տիգրան Սարգսեանի գլխաւորութեամբ կառավարութեան կեդրոնատեղիին մէջ տեղի ունեցած է «Նորավանք» գիտակրթական հիմնադրամի Հոգաբարձուներու խորհուրդի հերթական նիստը: Հայաստանի կառավարութեան տեղեկատուութեան եւ հասարակութեան հետ կապերու վարչութեան կողմէ փոխանցուած լուրերուն համաձայն, «Նորավանք»ի գործադիր տնօրէն Գագիկ Յարութիւնեան ներկայացուցած է հիմնադրամի 2012 թուականի տարեկան գործունէութեան ամփոփ հաշուետուութիւնը: Յատկապէս շեշտը դրուած է այն իրողութեան վրայ, որ հիմնադրամի հայագիտական, քաղաքական, տեղեկատուական հետազօտութիւններու, ուսումնական, հրատարակչական կեդրոններուն կողմէ տպագրուած է 25 ամսագիր եւ 5 գիրք: Ընթացիկ տարուան ընթացքին հիմնադրամը յատուկ ուշադրութիւն պիտի դարձնէ ազգային ներուժի բացայայտման, Սփիւռքի մտաւորական կարողութիւններու ներգրաւման ուսումնասիրութեան, համարկման գործընթացներուն եւ այլն:
Վարչապետը հիմնադրամի ներկայացուցիչներուն յանձնարարած է վերոյիշեալ առաջադրանքներով ոչ միայն ուսումնասիրութիւն կատարել եւ առկայ հարցերը ներկայացնել, այլ անոնց լուծման նպատակով առաջարկներ պատրաստել եւ ծրագիրներ մշակել։

 

LEAVE A REPLY

Please enter your comment!
Please enter your name here