ԱՅՍՕՐ ԲԱՐԵԿԵՆԴԱՆ Է

0
171

Հայ  առաքելական եկեղեցւոյ համար 10 Փետրուարը  Բուն Բարեկենդանի օրն է:  Ան կը նախորդէ քառասնօրեայ Մեծ  Պահքին:

 Մեծ Պահքի  բարեկենդանը կը կոչուի Բուն Բարեկենդան,  որովհետեւ կը նախորդէ ամենաերկար  պահքին: Քառասնօրեայ պահքին կը յաջորդէ պահոց մը եւս, մէկ շաբաթեայ շրջան՝ Աւագ Շաբաթը:  Այս է պատճառը, որ   քառասնօրեայ կոչուող պահքը խորքին մէջ կը տեւէ 48 օր:

Բարեկենդանը մարդու երջանկութեան  յիշատակն է, այն երջանկութիւնը որ դրախտի մէջ կը վայելէին Ադամն ու Եւան:  Ան նաեւ դրախտային կեանքի օրինակն է, ուր  մարդուն արտօնուած է  ճաշակել  բոլոր պտուղները, բացառութեամբ բարիի եւ չարի ՝  գիտութեան ծառի պտուղէն, որ   պահքի խորհրդանիշն է:  Բարեկենդանը առաքինութիւններու  արտայայտութիւնն է:  Այդ օրը մարդիկ  սուգէն կ’անցնին ուրախութեան, չարչարանքէն՝ խաղաղութեան:  Այս  ընկալմամբ  է, որ  իւրաքանչիւր  քրիստոնեայի   հոգիի խոնարհումով, ապաշխարութեամբ, պահքով եւ ողորմութեան յոյսով կը սկսի   Մեծ Պահքի 40-օրեայ   ճամբան:  Ան կը տեւէ  48 օր՝  Բուն  Բարեկենդանէն մինչեւ Ս. Յարութեան Զատիկի  Տօնը:

 Քառասնօրեայ  պահքին կը  յաջորդէ  պահոց մը եւս՝ մէկ շաբաթեայ շրջան՝ Աւագ  Շաբաթը:  Մեծ Պահքն ունի եօթ Կիրակի, եօթ յիշարժան օրեր՝ Բուն Բարեկենդան, Արտաքսում,  Անառակի, Տնտեսի, Դատաւորի, Գալստեան եւ Ծաղկազարդ:

 

LEAVE A REPLY

Please enter your comment!
Please enter your name here