«Հայաստանում տակաւին կը գործէ զէնքով հարց լուծելու քաղաքականութիւն». Ահարոն Շխրտըմեան

0
195

«Ընտրութիւնէ ընտրութիւն Հայաստանի մէջ այսօրինակ անակնկալներ տեղի կ’ունենան: Անշուշտ, պարոն Հայրիկեանի դէմ ուղղուած մահափորձը չէք կրնար համեմատել 2008-ի մարտիմէկեան իրադարձութիւններու հետ, բայց դարձեալ շատ մտահոգիչ  է, որ Հայաստանի մէջ տակաւին կը  գործէ զէնքով հարց լուծելու քաղաքականութիւն,մշակոյթ»,- «Առաջին լրատուական»-ի հետ հեռախօսազրոյցի ընթացքին նման տեսակետ յայտնեց Լիբանանի  մէջ գործող, «Երեբունի»  լրատուական  համացանցային օրաթերթի խմբագիր Ահարոն Շխրտըմեանը:

«Ան, որ  կատարեց  այդ յանցանքը, անշուշտ, նպատակ  ունէր խախտելու ընտրութիւններու բնականոն ընթացքը» ըսաւ ան եւ աւելցուց. « Ի տարբերութիւն նախորդ ընտրութիւններու՝ նախընտրական  մթնոլորտը համեմատաբար  հանդարտ է, առանց բախումներու, ցեխարձակումներու,  առանց լուրջ մրցակցութեան, եւ ինչ-որ մէկուն հաւանաբար ձեռնտու չէր այս մէկը: Ես շատ ուրախ պիտի  ըլլամ  եթէ պարոն Հայրիկեանը խոհեմութիւն ցուցաբերէ եւ  չպահանջէ  յետաձգել ընտրութիւններու  թուականը: Միեւնոյնն է՝  ընտրութիւններուն արդիւնքը վճռուած է,  իսկ այն ընդդիմադիր  ուժերը, որոնք հրաժարեցան ընտրապայքարէն,  վստահ եմ ժողովուրդին մօտ կորսնցուցած են  նախապէս  իրենց վայելած   վստահութիւնը: Ցաւալի է, որ Հայաստանի ընդդիմադիր քաղաքական հոսանքները  հանրապետութեան նախագահին դէմ այնքան քննադատութիւններ կատարելէ ետք, իրարու միջեւ   համաձայնութիւն  չկրցան գոյացնել  միացեալ   թեկնածուի մը  շուրջ: Ընդդիմութեան   վարկին համար  բարոյական մեծ ապտակ է այս մէկը եւ  պատասխանատուութեան խուսափում:  Չի բաւեր միայն  քննադատել, անհրաժեշտ է  պատասխանատուութիւն   վերցնելու  յանդգնութիւն ունենալ եւ ամենակարեւորը՝ կարենալ զանազանել առաջնայնութիւնները:  Եթէ  իսկապէս անհանդուրժելի, խոցելի  եւ անտանելի է  գործող  իշխանութիւնը  ընդդիմութիւնը  իրաւունք չունէր խուսափելու ընտրապայքարէն: » յայտնեց  մեր զրուցակիցը:

Ահարոն. Շխրտըմեանը  նաեւ նշեց, որ Սփիւռքի համար  այսօր ամենակարեւորը այն է, որ   նախագահական ընտրութիւնները կայանան   թափանցիկ եւ  ազատ պայմաններու տակ: Գալով   ընտրուելիք նախագահին՝  ոեւէ նախագահ  պարտաւոր է յանձնառու  մնալու երկրի ազգային անվտանգութեան պաշտպանութեան, ժողովրդավարական եւ ընկերային արդարութեան  ամրապնդման,  փտածութեան եւ կաշառակերութեան նման  յոռի սովորութիւններու վերացման, դառնայ սահմանադրութեան պահպանը եւ  համոզէ  հայուն, որ   Հայաստանն է իր հայրենիքը:  Ցաւ ի սիրտ այս անգամ ալ  նախագահութեան  թեկնածուները   չեն խօսիր  իրենց ընտրական  ծրագիրներուն մասին:  Ոմանք շատ   մակերեսային  կերպով որոշ խոստումներ եւ   մաղթանքներ կը կատարեն…: Թեկնածուները ընտրական  ծրագիրիներու  շուրջ  չեն  «պայքարիր» իրար դէմ: Ժամանակը եկած է, որ ո՞վ ալ  դառնայ Հայաստանի նոր նախագահը  խոստումներէն անցնի  գործի, որովհետեւ, ինչպէս միշտ, խոստումներ կը հնչեցնեն բայց այդ խոստումներէն քանի առ տոկոսը  կը  գործադրեն: Ոչ  ոք անոնց  կը հարցնէ, թէ  ինչո՞ւ  չեն գործադրուիր տրուած  խոստումները: Փաստօրէն անոնք ոչ ոքի հաշուետու են . «Ինծի ծանօթ է, որ նախագահական  ընտրութիւններու նախօրէին  եւ՛ Հայաստանի եւ՛ Սփիւռքի մէջ շատ կը  շեշտուէր համակարգային  փոփոխութեան անհրաժեշտութիւնը:  Սակայն ընդդիմութիւնը  ինքնամեկուսացումի    քայլերու դիմեց :  Անոր այս  արարքը  մեծ հարցական  կրնայ  ստեղծել ժողովուրդին մօտ: Ի վերջոյ, ընդդիմութիւնը  նոյնպէս  հաշուետու  է  ժողովուրդին առջեւ:   Ին՞չ  բան խանգարեց   մէկ   թեկնածուի շուրջ համախմբուիլը, անձնական  կրքերը, թ՞է  ձգտումները:  Հինգ տարի շարունակ նախագահ Սերժ Սարգսեանը քննադատելէ ետք, ընդդիմութիւնը  չկրցաւ համախմբուիլ  միացեալ  թեկնածուի  շուրջ:   Ին՞չ  բանի համար  հինգ  տարի շարունակ ժողովուրդը լարեցին իշխանութիւններուն  դէմ, որպէսզի վերջին պահուն  հեռանա՞ն  հրապարակէն: Նո՞ր իմացան, որ ընտրութիւններու   ընթացքին չարաշահումներ կամ   բռնութիւններ պիտի  պատահին:   Պատրաստ ափսէի վրա՞յ  կը սպասէին , որ   իրենց մատուցուէր  իշխանութիւնը: Ինչո՞ւ ժողովուրդը այսքան ժամանակ պահեցին սպասումներու մէջ եւ վերջաւորութեան  չարդարացուցին մարդոց յոյսերը: Երբ  այդ  վեց կամ եօթ  հոսանքները իրարու  միջեւ   հասկացողութիւն  չեն կրնար գոյացնել, ինչպ՞ս պիտի կառավարեն երկիրը: Այս  կը  հետեւցնէ, որ  թերութիւնները  իրենց մօտ պէտք է  փնտռել…Ին՞չ ըսել է, հինգ տարի անընդհատ  քննադատել, վերջին պահուն քաշուիլ հրապարակէն… :

Ես իսկապէս կը   ցաւիմ  ժողովուրդին ապրած  հիասթափութեան համար: Փոփոխութեան  համոզուած որեւէ   ընդդիմութիւն  չի կրնար հրաժարիլ  պայքարէն: Այս բոլորը կը  հետեւցնէ մէկ բան. Ընդդիմութիւնը աղմկարարութեամբ կը զբաղէր, դժբախտաբար: Վերցուցէք  Վրաստանի օրինակը եւ  տեսէք…:

Այսօր, եթէ չպատահի նոր  միջադէպ՝ ընտրութիւնները  պիտի ընթանան այն սենարիոյով, որ կը նախատեսուէր  մինչեւ Պարոյր Հայրիկեանի դէմ մահափորձը՝ Սերժ Սարգսյանը ձայներու մեծ տարբերութեամբ պիտի  վերընտրուի նահագահ»,-ըսաւ Ահարոն Շխրտըմեան:

Մեր զրուցակիցը յոյս յայտեց, որ ընտրուելէ ետք նախագահ  Սերժ Սարգսեանը կ’իրականացնէ  իր նախընտրական ծրագրին գոնէ մէկ մասը, որպէսզի  Հայաստան ունենայ հզօր բանակ,  ընկերային արդարութեան վրայ  յենած ժողովրդավար պետականութիւն, արտագաղթի հոսքը դադրի Հայաստանէն:

«Գիտէք ին՞չ,  Սփիւռքի մէջ արդէն մեծամասնութիւնը համակերպած է այն մտքին հետ, որ Սերժ Սարգսեանը պիտի  վերընտրուի նախագահ: Բարեբախտաբար  ինք եւս կը խոստովանի, որ  բացթողումներ  տեղի ունեցած են   իր  պաշտօնավարութեան հինգ տարիներուն  ընթացքին:  

Իմ  կարծիքով, ան առնուազն  պետք է բարելաւէ  քաղաքացիին ընկերային-տնտեսական, կենցաղային  պայմանները, որպէսզի հայը  չհեռանայ իր  հայրենիքէն: Սերժ Սարգսեան  արդէն  իսկ շահած է՝ ոևէ ընդգծուած ընդդիմադիր թեկնածու չկայ անոր դէմ, ան կրնայ առանց լուրջ խոչընդոտներու վերընտրուիլ:  Մենք՝ Սփիւռքը պիտի   հետեւինք եւ պահանջենք, որ  վերընտրուած  նախագահը իր  պաշտօնավարութեան  երկրորդ շրջանին վերանայի  անցեալի   բացթողումներուն եւ  լուծումներ  գտնէ   ժողովուրդին  ակնկալութիւններուն, բարելաւէ   Հայաստանի  ընկերային-տնտեսական իրավիճակը:  

Կը  լսեմ, թէ  Հայաստանի մէջ կան երիտասարդներ, որոնք դատապարտուած են իրենց քաղաքական հայացքներու համար: Խնդրին շատ լաւ ծանօթ չեմ, բայց որքան հասցուցած  եմ ծանօթանալ՝  եթէ տղաները  իրօք անմեղ են, նախագահ Սերժ Սարգսեան  պէտք է վերջ տայ քաղաքական  հայեացքներու համար   մարդկանց հետապնդելու երեւոյթին: Այս ՝կը կրկնեմ, եթէ քաղաքական հայեացքներն են իսկապէս անոնց ձերբակալութեան պատճառը:  Ժողովրդավար հասարակութեան  մէջ  քաղաքական հայեացներու  համար  ամօթ է մարդ   բանտարկել 21-րդ դարուն»:  

Ահարոն Շխրմտեանը նաև նշեց, որ ծանօթ է կարգ մը  թեկնածուներու ծրագիրներուն, սակայն անոնցմէ  ոչ մէկը, նոյնիսկ ՀՀ նախկին վարչապետ, նախագահի թեկնածու Հրանտ Բագրատեանի ծրագիրը  չեն ներշնչեր  հաւատ:

Մարիամ Գրիգորեան

LEAVE A REPLY

Please enter your comment!
Please enter your name here