ԵՐԵՒԱՆԻ ՄԷՋ ՊԻՏԻ ՆՇՈՒԻ ՍԹԱԼԻՆԿՐԱՏԻ ՃԱԿԱՏԱՄԱՐՏԻՆ 70-ԱՄԵԱԿԸ

0
145

 Երեւանի մէջ հանդիսաւորապէս պիտի նշուի  հիթլերեան  ֆաշական  բանակին դէմ  Սթալինկրատի ճակատամարտի  յաղթանակին  70-ամեակը: Այս առիթով,  Մոսկուայի Տան   ցուցասրահին մէջ    ընդունելութիւն մը  տեղի պիտի ունենայ  Հայաստանի մօտ Ռուսիոյ   դեսպան  Վիաչիսլաւ  Քովալենքոյի եւ  Հայաստանի պաշտպանութեան նախարար Սէյրան Օհանեանի հովանաւորութեամբ:

Թիւով 150  ընտրանի հրաւիրեալներուն մէջ պիտի ըլլան  ոչ միայն  Սթալինկրատի  ճակատամարտի, այլեւ՝ Հայրենական պատերազմի բոլոր մասնակիցները:  Պաշտօնական  բաժնի աւարտէն ետք, տեղի պիտի ունենայ  տօնական   համերգ, ուր պիտի լսուին  պատերազմական  տարիներու  երգեր:   Սթալինեան  ճակատամարտին մասնակիցներուն համար պատրաստուած են  տօնական  10 քիլոկրամնոց  սննդեղէնի կապոցներ:

Կ’արժէ  յիշեցնել, որ մօտաւորապէս  30 հազար հայ զինուորներ մասնակցած են  Սթալինկրատի  ճակատամարտին:  Անոնցմէ  տասը հազարը մնացած է  ճակատի վրայ…:  Շուրջ հազար  հայ  բանակայիններ պարգեւատրուած են տարբեր կարգի  շքանշաններով: Հայաստանի մէջ   այօրուան դրութեամբ  ողջ մնացած են Սթալինկրատի  ճակատամարտին միայն  58  մասնակիցներ: Անոնցմէ  միայն տասն կրնայ  ինքնուրոյն շարժիլ:

LEAVE A REPLY

Please enter your comment!
Please enter your name here