ՀԱՑԱԴՈՒԼԸ ԴԱԴՐԵՑՆԵԼՈՒ ԿՈՉ ԱՆԴՐԻԱՍ ՂՈՒԿԱՍԵԱՆԻՆ

0
149

Հայաստանի  «Ընտրական  Համակարգեր Կեդրոն»  հասարակական կազմակերպութիւնը դիմած է  Հայաստանի նախագահութեան  թեկնածու Անդրիաս Ղուկասեանին, հացադուլը դադրեցնելու  կոչով՝ «Մտահոգուած  ըլլալով,  հացադուլը շարունակելու պարագային անոր առողջութեանը անդառնալի վնաս հասցնելու  հետեւանքներուն»:

«Իբրեւ  մարդու եւ ընտրական  իրաւունքներու պաշտպանութեան,  ժողովրդավարական արժէքները տարածելու կոչուած   հասարակական  կազմակերպութիւն՝  մենք լիովին կը կիսենք  նախագահի  թեկնածու Անդրիաս  Ղուկասեանի   հացադուլի   քայլով մեր  հասարակութեան ուղղուած ուղերձը:  Բարձր կը գնահատենք անոր անձնազոհութիւնը եւ  իր կոչը  հասարակայնութեանը հասցնելու   հաստատակամութիւնը եւ կամքը» ըսուած է  յայտարարութեան մէջ:

Կազմակերպութիւնը քաղաքական ուժերուն, հասարակական կազմակերպութիւններուն ու  հասարակութեանը  կոչ կ’ընէ   միանալու նախագահութեան  թեկնածու Անդրիաս Ղուկասեանի  հացադուլի դադրեցման  կոչին:

 

LEAVE A REPLY

Please enter your comment!
Please enter your name here