ՀՌՈՄԻ ՊԱՊԸ ԱՌՈՂՋԱԿԱՆ ՊԱՏՃԱՌՆԵՐՈՎ ԿԸ ՆԵՐԿԱՅԱՑՆԷ ՀՐԱԺԱՐԱԿԱՆԸ

0
145

 Վատիկանի ձայնասփիւռը այսօր կէսօրին  ցնցիչ լուր մը հաղորդեց, յայտնելով, թէ   85-ամեայ Հռոմի Պենետիքթոս   16-րդ Պապը   որոշած է   հրաժարիլ: Պապը հրաժարելու ժամկէտ  ճշդած է  28 Փետրուարը:  Իտալական ANSA լրատուական  գործակալութիւնը նոյնպէս  հաստատեց   Վատիկանի  հաղորդած լուրը:

Վատիկանի  պատմութեան մէջ նման դէպք վերջին անգամ պատահած է  1415-ին:  Այդ ժամանակ գահէն հրաժարած է  Գրիգորի 12-րդ Պապը:

Պենետիքթոս 16-րդ Պապը  Հռոմի գահը  ստանձնած 2005-ի Ապրիլին: Մամուլը յաճախ կ’անդրադառնար անոր առողջական վիճակին եւ հրաժարելու անոր մտադրութեան:  Պենետիքթոս 16-րդը  Հռոմի 265-րդ Պապն է:

 Աւելի ուշ,   Rai News 24  հեռատեսիլի կայանը հաղորդեց, թէ  Պապը 28 Փետրուարին պիտի լքէ աթոռ ը եւ    գարտինալները  Մարտի մէջ պիտի ընտրեն Կաթողիկէ եկեղեցւոյ նոր պապը:

Հռոմի Պապին կամաւոր որուշումը կապուած է անոր   տարիքին հետ:  Վատիկանի մէջ լոյս ընծայուած  հաղորդագրութւինը կ’ըսէ, թէ Պապը խորապէս կը գիտակցի իր տարիքին լրջութիւնը եւ ինքնակամ կը հրաժարի  Հռոմի Եպիսկոպոսի տիտղոսէն՝ Սուրբ Պետրոսի իրաւայաջորդը ըլլալու տիտղոսէն: « Թանկագին  եղբայրներ, անկեղծօրէն շնորհակալութիւն կը յայտնեմ  Ձեզի, Ձեր  սիրոյ  ու այն աշխատանքի համար, որ  դուք  աջակցեցաք ինծի իմ ծառայութեան ընթացքին եւ ներողութիւն կը խնդրեմ Ձեզմէ իմ  թերութիւններուն համար». Յայտարարած է Պապը:  Ան նաեւ յայտնած է , թէ հրաժարելէ ետք  պիտի ապրի մենաստանի մը մէջ:

Նշենք,  թէ Պապին  լիազօրութիւնները պիտի դադրեցուին 18 Փետրուարին

Հռոմի ներկայի Պապը՝ Եոզէֆ  Ռայցինկըր ծնած է 16 Ապրիլ 1927-ին:

Ոմանց  կարծիքով Կանայի սեւամորթ գարտինալ  Փիլըր  Քոթվօ  Ապիահա Տարքսոնի  մեծ յաւանականութիւն կը  վայելէ յաջորդելու Պետետիքթոս  16-րդ Պապին:

 

LEAVE A REPLY

Please enter your comment!
Please enter your name here