ՄԱՐԶԱԿԱՆ

0
190

                              –         Ռայըն Կիկզ( Մանչեսթըր Եունաթըտ) դարձաւ Անգլիոյ   Փըրըմիյէր Լիկ-ի սկիզբէն ի վեր՝ 1992, բոլոր մրցաշրջաններուն  կոլ նշանակած միակ  ֆութպոլիստը:

–          Նովաք Տիոքովիչ կը գրաւէ   տղամարդոց թենիսի առաջնութեան համաշխարհային դասաւորման առաջին դիրքը: Դաւիթ Նալպանտեան՝  93-րդ:

–         Քրիսթիանօ Ռոնալտօ .« Կը փափաքիմ Ռէալի համար  շահիլ Չեմփիընզ Լիկ-ի բաժակը»:

–         Խաւիյէ Զանեթի (Ինթէր Միլան)  դարձաւ Իտալիոյ  ֆութպոլի ախոյեանութեան պատմութեան ամենաշատ  մրցումներ կատարող մարզիկը՝  592:

–         Ֆրանսայի  ֆութպոլի ախոյեանութեան գծով,  Լիոն-Լիլ՝1-3,

–         Իտալիոյ ֆութպոլի ախոյեանութեան գծով, Ինթէր – Քիեւօ՝  3-1: 24-րդ հանգրուանի մրցումներէն ետք,  Եուվենթուս 55 կէտով կը գրաւէ  ընդհանուր դասաւորման առաջին դիրքը:

–         Շաքիրա իր նորածինին հետ  ներկայ գտնուեցաւ  Պարչելոնա  – Կեթաֆէ  մրցումին:

–         Նիճերիա շահեցաւ Ափրիկէի Ազգային Խումբերու ախոյեանութեան բաժակը: Աւարտական մրցումին  Նիճերիա  1-0 արդիւնքով պարտութեան մատնեց Պուրքինա Ֆասօն:

–         Անգլիոյ  ֆութպոլի ախոյեանութեան գծով, Մանչեսթըր Եունայթըտ- Էվըրթըն՝ 2-0: 26-րդ հանգրուանի մրցումներէն  ետք, «Կարմիր Սատանաներ»ը  65 կէտով կը գրաւեն ընդհանուր  դասաւորման առաջին դիրքը եւ 12 կէտերու առաւելութիւն մը կը վայելեն երկրորդ դիրքի վրայ գտնուող Մանչեսթըր Սիթիի նկատմամբ:

–         Մարիօ Պալոթելի, Ա.ՍԷ. Միլանը  փրկեց պարտութենէն, երբ  նշանակեց Գալիարի դէմ 1-1 աւարտած  մրցումին, Միլանի հաւասարութեան կոլը:

–         Լիոնէլ Մեսի՝ Կեթաֆէի դէմ Պարչելոնայի  6-1 արդիւնքով յաղթած  մրցումին  ընթացքին նշանակեց  յաջորդական իր  13-րդ   կոլը:  23-րդ հանգրուանի մրցումներէն ետք, Պարչելոնա  62 կէտով կը գրաւէ  պարագլուխի դիրքը:  Աթլեթիքօ Մատրիտ եւ Ռէալ Մատրիտ համապատասխանաբար կը գրաւեն երկրորդ եւ երրորդ դիրքերը:

–         25-ամեայ  Կոնզալօ Հիկուին Ռէալ Մատրիտ – Սեւլիա մրցումին ընթացքին ստացաւ իր ասպարէզին  առաջին կարմիր  տոմսը:

–         Սպանիոյ ֆութպոլի ախոյեանութեան 23-րդ  հանգրուանի մրցումներուն, Ռէալ Մատրիտ  4-1 արդիւնքով պարտութեան մատնեց Սեւիլիան:  Քրիսթիանօ Ռոնալտօ  երեք կոլ ( հեթ-թրիք) նշանակեց   Ռէալի շապիկով:

–         Գերմանիոյ ֆութպոլի ախոյեանութեան  21-րդ հանգրուանի մրցումներուն, Պայերն Միւնիխ  4-1 արդիւնքով պարտութեան մատնեց   Շալքէ 04-ը:  21 մրցումներէ ետք, պավարիական կազմը 54 կէտով կը գրաւէ ընդհանուր դասաւորման առաջին դիրքը:

 ՉԵՄՓԻԸՆԶ ԼԻԿ

ՎԱՂԸ ԵՐԵԿՈՅԵԱՆ ՆՈՔ-ԱՈՒԹ ՀԱՆԳՐՈՒԱՆԻ  ԵՐԹԻ ՄՐՑՈՒՄՆԵՐՈՒՆ ՅԱՅՏԱԳԻՐԸ

  Սելթիք –  Եուվենթուս    ժամը՝  21.45

 Վալենսիա –  Փարի Սէն Ժերմէն   ժամը՝  21.45

ՎԱՂԸ՝  ՉՈՐԵՔՇԱԲԹԻ

 Ռէալ  Մատրիտ –  Մանչեսթըր Եունայթըտ    ժամը՝ 21.45

 Շախտիոր  Տոնեցք –  Պորուսիա Տորթմունտ    ժամը՝  21.45

LEAVE A REPLY

Please enter your comment!
Please enter your name here