ՍԸԼԷՅՄԱՆ՝ ՅԱՆՑԱԳՈՐԾՆԵՐԸ ՊԻՏԻ ԿՐԵՆ ԻՐԵՆՑ ՊԱՏԻԺԸ

0
150

 Լիբանանի քաղաքական  բեմին վրայ կը գտնուին երեք հիմնական  օրակարգեր:  Երեքն ալ կը սպասեն իրենց լուծումին: Առաջինը՝   ընտրական նոր օրինագիծի մը  մշակումը: Երկրորդը՝  երկրին  ապահովական  իրավիճակը եւ երրորդը՝   ընկերային  եւ տնտեսական  տագնապը:

 Հանրապետութեան նախագահ Միշէլ Սըլէյման իր այելուներուն առջեւ յայտարարեց, թէ բանակը ներող պիտի  չըլլայ օրինազանցներուն առջեւ եւ Արսէլի  յանցագործները պիտի յանձնուին արդարադատութեան: Այս ծիրին մէջ Մուսթաքպալ հոսանքի պատուիրակութիւն մը այցելութիւն մը տուաւ բանակի ընդհանուր հրամանատար զօրավար Ժան Քահուաճիին: Նախագահ   Միշէլ Սըլէյման Պաապտայի  պալատին մէջ  ընդունեց  ներքին գործոց  նախարար Մարուան Շերպէլը,  Արսէլի մէջ  նահատակուած  բանակային  Իպրահիմ  Զահրմանի հարազատները եւ այլ անձնաւորութիւններ: :

  Ընտրական նոր  օրինագիծ մը մշակելու լիազօրուած խորհրդարանական   ենթայանձնախումբը այսօր գումարեց իր   հերթական նիստը եւ քննարկեց նոր ընտրական  օրինագիծ մը   յառաջացնելու կարելիութիւնները: Նիսէտէն ետք, ենթայանձնախումբի նախագահ  երեսփոխան  Ռոպէր Ղանէմ յայտնեց ,թէ վաղը՝  Երեքշաբթի,  պիտի  ըլլայ  ընտրական   նոր  առաջարկ ներկայացնեու վերջին պայմանաժամը: Իսկ   օրինագիծին շւորջ քննարկումները պիտի շարունակուին մինչեւ  Հինգշաբթի:    Երեսփոխան Աքրամ Շըհայէպ առաջարկեց  ընտրամասերու թիւը  13-էն բարձրացնել  16- ի:   Ենթայանձնախումբը ներկայիս կը  քննարկէ   մեծամասնական- համեմատական դրութեամբ  խառն օրինագիծի մը կարելիութիւնը:

 Մարոնիներու Պշարա Ռայի գարտինալը Կիրակի օր  Դամասկոսի  Սուրբ Խաչ եկեղեցւոյ մէջ մասնակցեցաւ Յոյն Ուղղափառ  համայնքի  Անտիոքի եւ համայն Արեւելքի  Եուհաննա ժ. Եազիճի  պատրիարքին ձեռնադրութեան:   Ձեռնադրութեան արարողութեան ներկայ  գտնուեցան նաեւ Լիբանանի  թեմի  Բարեջան առաջնորդ Գեղամ Արք. Խաչերեան,  Դամասկոսի թեմի առաջնորդ Արմաշ  Նալպանտեան,  մեծ  թիւով հոգեւորական  եւ  քաղաքական անձնաւորութիւններ:  Ռայի  յառաջիկայ օրերուն պիտի այցելէ Իրաք:

LEAVE A REPLY

Please enter your comment!
Please enter your name here