Սուրիահայ ոսկերիչներու սեփական գործը հիմնելու առաջարկ

0
114

ՀՀ սփիւռքի նախարար Հրանուշ Յակոբեանը Երեւանի ոսկերչական գործարանին մէջ հանդիպում ունեցաւ Հայաստան  գտնուող սուրիահայ ոսկերիչներու հետ:

Ողջունելով ներկաները, նախարարը ուրախութեամբ նշեց,  որ անոնք ցանկութիւն կը յայտնեն Հայաստանի մէջ  հիմնելու  իրենց գործը, միաժամանակ  ժամանակ չպահեց իր մտահոգութիւնը հմուտ և իրենց աշխատանքին մէջ յաջողակ ոսկերիչներու ժամանակաւոր  անգործութեան կապակցութեամբ: Յ. Հակոբեան յորդորեց Հայաստան գտնուող սուրիահայերուն, որ անոնք օր առաջ հիմնեն իրենց աշխատանքը եւ կոչ ըրաւ առանց մտավախութիւններու ձեռնարկել առաջին գործնական քայլերը. «Պետութիւնը կանգնած է իւրաքանչիւրիդ կողքին՝ աշխատանք հիմնելու առաջին քայլէն: Մենք պատրաստակամ ենք անհրաժեշտ խորհրդատուութեամբ ապահովել, աջակցիլ կազմակերպութեանը՝ արձանագրութենէն՝ մինչև կայանալն ու շահոյթ ստանալը»:

Նախարար Յ. Հակոբեանը յաջողակ աշխատանք ունենալու հարցով  կարեւորեց վստահելի գործընկերոջ ընտրութեան, պետութեան կողմէ յստակ ու հաւաստի խորհրդատուութիւն ստանալու գործօնը:

Հանդիպման ներկայ էր Երեւանի ոսկերչական գործարանի գլխաւոր տնօրէն Էմիլ Գրիգորեանը: Ան յայտնեց, թէ  գործարանին  մէջ ներկայիս  կ’աշխատին հինգ սուրիահայեր: Է. Գրիգորեանը սուրիահայ գործարարներուն երկու առաջարկ ներկայացուց. ընդունուիլ աշխատանքի՝ իբրեւ ոսկերիչ, կամ ալ յառաջիկայ 6 ամիսներու ընթացքին  անվճար աշխատանքային տարածք վերցնել: Այս պարագային անոնք հնարաւորութիւն կ’ունենան օգտուելու նաեւ գործարանի աշխատանքային գործիքներէն, տարատեսակ արտադրամասերէն: Գործարանի ղեկավարութիւնը պատրաստակամութիւն յայտնեց նաեւ աջակցելու օրէնսդրական եւ շուկայագիտական ոլորտներու խորհրդատուութեամբ: Համագործակցութեան պարագային՝ գործարանին կողմէ կը տրամադրուին նաեւ արտաքին շուկաներու հնարաւորութիւններն ու կապերը:

Հանդիպման մասնակիցները հետաքրքրուեցան արտահանման հնարաւորութիւններով, հարցեր բարձրացան  մաքսային ու տուրքային օրէնսդրութեան որոշ դրոյթներու վերաբերեալ: Նշուեցաւ, որ Հայաստանի՝ տուեալ ոլորտը կարգաւորող օրէնսդրութիւնը լաւագոյններէն է աշխարհի մէջ, ինչը շահաւէտ գործունէութիւն ծաւալելու հնարաւորութիւն կ’ընծայէ ոսկերչութեան բնագաւառին:

Այսպիսով շատ մասնագէտներ տեղւոյն վրայ  նախանշեցին իրենց յառաջիկայ  կատարելքները՝  ընդունելով առաջարկուող տարբերակներէն իրենց ամենա մատչելին:

Ապա, սուրիահայ ոսկերիչները շրջեցան գործարանին մէջ՝  ծանօթանալով իրենց ապագայ գործընկեր կազմակերպութեան գործունէութեանը, պարզաբանելով  կարգ  մը  հարցեր:

 

LEAVE A REPLY

Please enter your comment!
Please enter your name here