ԱՐՑԱԽԵԱՆ ՇԱՐԺՈՒՄԸ 25 ՏԱՐԵԿԱՆ

0
602

 Ուղիղ   25 տարի առաջ   12 Փետրուար 1988-ին,  Լեռնային Ղարաբաղի  Հատրութ քաղաքին մէջ  սկսաւ  Արցախեան ազատագրական շարժումը:  Շարժումը սկսաւ Արցախը Հայաստանին վերամիաւորելու խաղաղ  հաւաքով:  Հանրահաւաքին կազմակերպիչներն  էին  Լեռնային Ղարաբաղի Գերագոյն Խորհուրդի նախագահ Արթուր Մկրտչեանը, Իկոր Մուրատեանը, Գրիգոր  Հայրապետեանը,  Էմիլ Աբրահամեանը եւ ուրիշներ: Հատրուդի  մէջ ծնունդ առած  շարժումը  հասաւ Ստեփանակերտ, ապա Երեւան եւ վերածուեցաւ  համաժողովրդական  շարժման:

Ազերիական  իշխանութիւնները  վայրագութեամբ եւ  ոճիրներով պատասխանեցին  Լեռնային  Ղարաբաղի բնակչութեան  80 առ հարիւրը  կազմող խաղաղ հայերու  պահանջներուն: 1991-էն 1994 ծայր առաւ Լեռնային  Ղարաբաղի ազատագրական պատերազմը, որուն հետեւանքով յայտարարուեցաւ  Լեռնային Ղարաբաղի  հանրապետութիւնը: Լեռնային Ղարաբաղի  պաշտպանութեան բանակը միաժամանակ ստեղծեց Ղարաբաղի անվտանգութեան գօտին, որ կը ներառնէ եօթ շրջաններ:  11 Մայիս 1994-ին  Պիշքէքի մէջ  ձեռք բերուեցաւ  զինադադարի  համաձայնութիւն: Այդ  զինադադարը  կը գործէ առ այսօր:

LEAVE A REPLY

Please enter your comment!
Please enter your name here