ՀԱՅ ԶԻՆՈՒՈՐ ՄԸ ՍՊԱՆՆՈՒԱԾ Է ՀԱՅ-ԱԶԵՐԻԱԿԱՆ ՍԱՀՄԱՆԱԳԾԻՆ ՎՐԱՅ

0
145

Հայաստանի պաշտպանութեան նախարարութիւնը հաղորդեց, թէ  հայ-ատրպէյճանական սահմանագիծի հիւսիս-արեւելեան հատուածին մէջ մարտական հերթապահութիւն կատարելու ընթացքին 9 Փետրուարին՝ ժամը 09 : 05-ին, հակառակորդին կողմէ մահացու հրազէնային հարուած ստանալով մահացած է ծառայող Մհեր Վալոտիայի Եղշատեանը (ծնեալ 1976-ին, Բերդ):
«Հայաստանի պաշտպանութեան նախարարութիւնը կիսում է ծանր կորուստի վիշտը եւ իր զօրակցութիւնը յայտնում Մհեր Եղշատեանի ընտանիքի անդամներուն, հարազատներուն եւ ծառայակիցներուն», յայտնեց պաշտպանութեան նախարարութիւնը:

 Միւս կողմէ, Ատրպէյճանի բանակը լայնածիր զօրավարժութեան սկսած է ճակատային գիծին վրայ:
ԱՓԱ լրատուական գործակալութիւնը՝ վկայակոչելով իր «ռազմական աղբիւրները», կը փոխանցէ, որ զօրավարժութիւնները կը կատարուին «ճակատի» հատուածին մէջ::
Ըստ ԱՓԱ-ի, մինչեւ այս շաբթուան աւարտը տեւելիք զօրավարժութիւններուն կը հետեւին Ատրպէյճանի պաշտպանութեան նախարարութեան ներկայացուցիչները։
Հայաստանի պաշտպանութեան նախարարութեան տուեալներուն համաձայն, 3-9 Փետրուարին ղարաբաղեան–ատրպէյճանական սահմանագծին  վրայ հակառակորդին կողմէ արձանագրուած է զինադադարի շուրջ 250 խախտում, որոնց ընթացքին  օգտագործուած  են տարբեր տիպի հրաձգային զինատեսակներ: Հայ սահմանապահներուն ուղղութեամբ կատարուած է աւելի քան 1100 կրակոց:
«Պաշտպանութեան բանակի յառաջապահ զօրամասերը, հաւատարիմ մնալով հրադադարի պահպանման ռեժիմին, շփման գիծի ողջ երկարութեամբ վստահօրէն շարունակած են հերթապահութիւնը», հաղորդեց Լեռնային Ղարաբաղի պաշտպանութեան բանակը։

 

 

 

LEAVE A REPLY

Please enter your comment!
Please enter your name here