ԸՍՏ ԹՈՒՐՔԻՈՅ՝ ՍՏԵՓԱՆԱԿԵՐՏԻ ՕԴԱԿԱՅԱՆԸ ԱՊՕՐԷՆ

0
138

Ատրպէյճանի մօտ Թուրքիոյ նախկին դեսպան, իսկ ներկայիս Թուրքիոյ արտաքին գործոց նախարարութեան մէջ Ափրիկեան երկիրներու հետ յարաբերութեանց բաժանմունքի ղեկավար Հուլուսի Քըլըճ յայտնեց, թէ «Ատրպէյճանի բռնագրաւուած հողերուն վրայ Հայաստանի կողմէ կատարուած բոլոր թռիչքները ապօրինի են»՝ դատապարտելով Ստեփանակերտի օդակայանը օգտագործելու նպատակով Հայաստանի ջանքերը:
Ըստ անոր՝ նման քայլեր կը խորացնեն առկայ իրավիճակը եւ հարուած կը հասցնեն Արցախի հակամարտութեան խաղաղ կարգաւորման:
«Այդ տարածքները կը հանդիսանան Ատրպէյճանի պատմական հողերը», ըսած է ան՝ աւելցնելով, թէ ԵԱՀԿ Մինսքի խմբակի համանախագահները պէտք է աւելի աշխոյժ քայլերու նախաձեռնեն՝ թռիչքները արգիլելու կապակցութեամբ: «Մենք Հայաստանի դէմ չենք, սակայն Հայաստան պէտք է անյապաղ հեռանայ բռնագրաւեալ տարածքներէն», եզրակացուց Քըլըճ:

 

LEAVE A REPLY

Please enter your comment!
Please enter your name here