ԵՈՒՎԵՆԹՈՒՍ ԵՒ ՍԷՆ ԺԵՐՄԷՆ ՕՏԱՐ ԴԱՇՏԻ ՎՐԱՅ ԱՊԱՀՈՎԵՑԻՆ ՅԱՂԹԱՆԱԿ

0
154

Եւրոպայի ախոյեան ակումբներու «Չեմփիընզ Լիկ» բաժակի նոք-աութ հանգրուանի  երթի մրցումներուն,  Եուվենթուս  հսկայ  քայլ մը առաւ դէպի քառորդ աւարտականի   հանգրուանը, երբ  Կլասքոյի մէջ 3-0 արդիւնքով  պարտութեան մատնեց Սելթիքը: Նշենք, թէ սկովտիական խումբը խմբակային մրցումներու ընթացքին,  յաջորդաբար պարտութեան մատնած էր  Պարչելոնան եւ Մոսկուայի Սպարտակը:  Ալեսանտրօ Մաթրի, Գլաուտիօ Մարչիսօ եւ  Միրքօ  Վուչինիչ նշանակեցին «Ծեր Պառաւ»ին կոլերը:   Ըստ երեւոյթին դարձի մրցումը  ձեւականութւին մը պիտի ըլլայ  իտալացիներուն համար:  Սելթիք հրաշքի համազօր  խաղ մը պէտք է ցուցադրէ, որպէսզի   պարտութեան մատնէ Եուվենթուսը:

«Չեմփիընզ Լիկ»ի   երկրորդ մրցումին,  Փարի Սէն Ժերմէն  2-1 արդիւնքով  տպաւորիչ  յաղթանակ մը արձանագրեց  Վալենսիայի դէմ, այս  վերջնոյն դաշտին մէջ:  Եզեկէլ Լավեզի եւ  Խաւիէ  Փասթորէ նշանակեցին  ֆրանսական կազմին կոլերը: Մրցումին միակ  «սեւ» կէտը  Սէն Ժերմէնի  յարձակող   Զլաթան Իպրահիմովիչի հեռացումն էր դաշտէն՝  Վալենսիայի մարզիկներէն  Անտրէս Կուարտատոյին հարուածելու եւ իրաւարարին որոշումները հակադարձելու  պատճառով: Իպրահիմովիչ պիտի  բացակայի շաբաթ մը ետք  Փարիզի մէջ կայանալիք դարձի  մրցումէն:

Յատկանշական էր նաեւ թրիւպիւններուն մէջ  Տէյվիտ Պեքհամի ներկայութիւնը: 37-ամեայ  ֆութպոլիստը հինգ ամսուան  կարճ պայմանագրութիւն մը ստորագրած է ֆրանսական ակումբին հետ:

ՎԱՂԸ  ԵՐԵԿՈՅԵԱՆ «ԵՈՒՐՈՓԱ   ԼԻԿ» ՄՐՑԱՇԱՐՔԻ 1/32-ՐԴ  ՀԱՆԳՐՈՒԱՆԻ ԵՐԹԻ ՄՐՑՈՒՄՆԵՐՈՒՆ  ՅԱՅՏԱԳԻՐԸ

Անժի  Մախալքալա –  Հանովըր  96    Ժամը՝   19.00

 Զենիթ  Լենինկրատ – Լիվըրփուլ      Ժամը՝ 19.00

 Այաքս Ամսթերտամ –  Սթէուա Պուքարեստ  Ժամը՝  20.00

 ՊԱԹ Պորիսով –  Ֆեներպահչէ    Ժամը՝  20.00

 Պայէր Լեվերքուզեն –  Պենֆիքա   Ժամը՝  20.00

Տինամօ Քիեւ –  Պորտօ   Ժամը՝ 20.00

  Լեվանթէ –  Օլիմփիաքոս   Ժամը՝ 20.00

Նափոլի  –  Փլզէն   Ժամը՝  20.00

Սփարթա Փրակ –  Չելսի    Ժամը՝ 20.00

 Աթլեթիքօ Մատրիտ –Ռուպին Քազան    Ժամը՝  22.05

Պալ –  Տնեփր    ժամը՝  22.05

 Պորուսիա Մէօնշենկլատպախ  –  Լացիօ Ռոմա   Ժամը՝  22.05

 Ինթէր Միլան –  Գլուժ Նափոքա    ժամը՝ 22.05

  Նիուքասըլ Եունայթըտ –   Մեթալիսթ    Ժամը՝  22.05

 Շթութկարթ –  Կենք    Ժամը՝ 22.05

 Թոթենհամ –  Լիոն    Ժամը՝ 22.05

 

ՄԱՐԶԱԿԱՆ ԿԱՐՃ  ԼՈՒՐԵՐ

-Իտալական  Ա.ՍԷ. Միլան ակումբը  նոր պայմանագրութիւն մը  առաջարկած է ազգային խումբի յարձակող Սթեֆան  Շարաֆիին : Շնորհիւ այդ համաձանութեան, 20-ամեայ   ֆութպիոլիստը մինչեւ 2018 պիտի կրէ «պիանքօներօ»ներուն շապիկը:

-Ռէալ Մատրիտի  մարզիչ Ժոզէ Մուրինիօ շատ կը փափաքի վերադառնալ Անգլիա եւ ստանձնել Փըրըմիյէշիփի ակումբներէն մէկուն գլխաւոր մարզիչի պարտականութիւնը:

 

 

LEAVE A REPLY

Please enter your comment!
Please enter your name here