«ՄԻՈՒԹԵԱՆ ՎԻՃԱԿ»Ի ԱՌԻԹՈՎ ԱՒԱՆԴԱԿԱՆ ԻՐ ԵԼՈՅԹԻՆ ԸՆԹԱՑՔԻՆ, ՕՊԱՄԱ ԿԸ ԽՈՍՏԱՆԱՅ ԲԱՐԵԼԱՒԵԼ ԵՐԿՐԻՆ ՏՆՏԵՍՈՒԹԻՒՆԸ

0
135

Գոնկրէսի երկու պալատներուն՝Ներկայացուցիչներու  Տան եւ Ծերակոյտին  անդամներուն առջեւ « Միութեան Վիճակ»ի առիթով արտասանած իր աւանդական խօսքին մէջ, նախագահ Պարաք Օպամա խոստացաւ  աւելի արդիւնաւէտ  դարձնել  երկրին տնտեսութիւնը, կառավարութեան աշխատանքը եւ  ստեղծել աշխատանքային նոր  պաշտօններ: Օպամա միաժամանակ խոստացաւ  ընտրութիւններու գործընթացը  կատարելագործելու  յանձնախումբ  մը ստեղել:

Խօսելով արտաքին  քաղաքականութեան մասին,  Օպամա յայտարարեց,թէ Աֆղանիստանի պատերազմը  պիտի աւարտի  2014-ին: Ան  աւելցուց, թէ   յառաջիկայ  տասներկու ամիսներուն ընթացքին,  34 հազար ամերիկացի բանակայիններ պիտի վերադառնան Աֆղանիստանէն:  Ան  նշեց, թէ  նախանձախնդիր կը մնայ  Միջին Արեւելքի խաղաղութեան բանակցութիւններուն, որուն համար ալ յառաջիկայ ամիս՝ Մարտին, պիտի այցելէ  Իսրայէլ,  Արեւմտեան Ափ եւ Յորդանան:  Օպամա նաեւ  ընդգծեց, թէ  համաձայն է  Իրանի միջուկաին  ծրագիրը դիւանագիտական ճամբով  լուծելու ընտրանքին:  Ան շեշտեց, թէ  Իսրայէլ կը մնայ  Միացեալ Նահանգներու առաջին եւ անփոխարինելի դաշնակիցը, աւելցնելով, որ  Ուաշինկթըն յանձնառու  պիտի  մնայ  Իսրայէլի ազգային անվտանգութեան

Միացեալ Նահանգներու նախագահը   նաեւ խոստացաւ  կարգ մը անմիջական փոփոխութիւններ  կատարել   ներգաղթի օրէնսդրութեան մէջ: Ան կոչ ըրաւ անձնագիր շնորհել   փոքր տարիքէն Միացեալ Նահանգներ   ժամանած ներգաղթողներուն:

Օպամայի   ելոյթը բազմիցս ընդհատուեցաւ  ծափողջոյններով:  CNN  հաղորդեց, թէ  ամերիկացիներու  եօթանասուն առ  հարիւրը  դրական գնահատական տուած է  նախագահի ելոյթին:

LEAVE A REPLY

Please enter your comment!
Please enter your name here