ԿԵՆՑԱՂԱՅԻՆ ԵՐԵՔ ՀԱՐՑԵՐ ԿԸ ՍՊԱՍԵՆ ԿԱՌԱՎԱՐՈՒԹԵԱՆ ՈՐՈՇՈՒՄԻՆ

0
161

Երեք կարեւոր իրադարձութիւններ կը սպասեն  լիբանանեան կառավարութիւնը: Երեքն ալ առնչուած են    քաղաքացիներու ընկերային եւ  կենցաղային պայմաններուն հետ: Առաջինը՝ 19 Փետրուարին, սենտիքաներուն  յայտարարած բաց  գործադուլն  է,  հակառակ այն իրողութեան, որ կառավարութիւնը  խոստացած է  իր   19 Փետրուարի նիստին քննարկել աշխատավարձերու  յաւելման թղթածրարը:  Երկրորդը՝   վառելանիւթերու սակերուն մագլցումն է:  Նշենք, թէ վերջին տասնմէկ շաբաթներուն ընթացքին  պենզինին սակը արձանագրած է 3400 լիբ. ոսկիի  ոստում մը:  Երրորդը՝ հացի  տագնապն է:    Լիբանանի տարածութեան վրայ գործող  փուռերը  որոշած են  22 Փետրուարէն սկսեալ  դադրեցնել հացի արտադրութիւնը: Փռապանները կը պահանջեն, որ կառավարութիւնը աւելցնէ ալիւրի  սակին վրայ պետական  աջակցութեան քանակը:

Միւս  կողմէ,  սիրոյ տօնին առիթով, հանրապետութեան նախագահ Միշէլ Սըլէյման իր  սրտագին սփոփանքն  ու  զգացումները արտայայտեց  հարազատներ կորսնցնող քաղաքացիներուն: Ան յատկապէս  յիշատակեց  բանակի նահատակներ Փիեռ  Պաշաալանին եւ Իպրահիմ  Զահրամանը: Սըլէյման բոլորին   կոչ ուղղեց    կարմիր  վարդեր զետեղել՝ ամենամօտ նահատակներու  եւ ազգային  անձնաւորութիւններու դամբարաններուն վրայ:

Ապահովական գետնի վրայ, լրատուական աղբիւրներ  հաղորդեցին, թէ Ազեզի մէջ առեւանգուած լիբանանցիներուն    հարցը  թեւակոխած է    ճակատագրական հանգրուան մը:  Լիբանանեան  կարգ մը աղբիւրներ յայտնեցին, թէ  Ապու Իպրահիմի սպանութենէն ետք,   առեւանգեալները  փոխադրոաւծ են  Անգարա եւ ազատ կրնան  որեւէ մէկ պահուն:

Լիբանանի մօտ Իրանի դեսպան  Ղատանֆար Ռըքն Ապատի  դատապարտեց   Լիբանանի  վերականգնման  համար իրանեան խորհուրդի  նախագահ  Հուսամ Խող Նույէսի սպանութիւնը:  Դեսպանը հաւաստեց, թէ Իրան պիտի շարունակէ    Լիբանանի  վերաշինութեան աշխատանքները:  Մինչ այդ,  Նուէյսի մարմինը  հողին յանձնուեցաւ այսօր Թեհրանի մէջ: Նուէյս սպաննուեցաւ  Դամասկոսէն Պէյրութ  վերադարձի  ճամբուն վրայ:  Իրանեան  լրատուական աղբիւրներ  Իսրայէլը ամբաստանեցին  Նույէսի սպանութեամբ:

LEAVE A REPLY

Please enter your comment!
Please enter your name here