ՄՈԱԼԼԷՄ ԿԸ ՆԱԽԸՆՏՐԷ ԴԱՄԱՍԿՈՍԻ ՄԷՋ ՁԵՌՆԱՐԿԵԼ ԸՆԴԴԻՄՈՒԹԵԱՆ ՀԵՏ ԵՐԿԽՕՍՈՒԹԻՒՆԸ

0
134

 Սուրիոյ արտաքին գործոց նախարարութիւնը լոյս  ընծայեց հաղորդագրութիւն մը, որուն մէջ նշուած է, թէ արտաքին գործոց նախարար Ուալիտ Մոալլէմ  ամսավերջին պիտի  մեկնի Մոսկուա, ուր  հանդիպում մը պիտի ունենայ  իր ռուս պաշտօնակիցին  Սերկէյ Լաւրովի հետ: « Ինչ կը վերաբերի  ընդդիմադիրներու  հետ նախարար Մոալլէմի  հանդիպման  շշուկներուն՝ Սուրիա բազմիցս յայտարարած է իր դիրքորոշումը այդ հարցի մասին:  Դամասկոս բաց է սուրիական հողի վրայ  ներքին եւ արտաքին   ընդդիմութեան հետ երկխօսութեան» կ’ընդգծէ  հաղորդագրութիւնը:  Նշենք, թէ  Ռուսիոյ  փոխարտաքին գործոց նաախարար  Միխայիլ  Պոկտանով նախապէս   յայտարարած էր, թէ  Մոսկուա պատրաստ է երկխօսութեան  նպատակով ընդունելու Սուրիոյ  իշխանութեան եւ  ընդդիմութեան ներկայացուցիչները:

 Միացեալ Նահանգներու պետական քարտուղարութեան խօսնակ Վիքթորիա Նուլանտ դիտել տուաւ, թէ   պետական քարտուղար Ճոն Քերրի մինչեւ օրս չի յաջողիր կապ հաստատել  Ռուսիոյ  իր պաշտօնակիցին  Սերկէյ Լաւրովի հետ,  որովհետեւ՝ վերջինս   անընդհատ   կը գտնուի շրջագայութիւններու մէջ:  Ըստ Նուլանտի, անոնք   հեռախօսազրոյց մը ունեցած են առ այսօր:

LEAVE A REPLY

Please enter your comment!
Please enter your name here