ՔԵՐՐԻ ՊԻՏԻ ԱՅՑԵԼԷ ՄԻՋԻՆ ԱՐԵՒԵԼՔ

0
132

Միացեալ Նահանգներու պետական քարտուղար  նախարար Ճոն Քերրի յայտարարեց, թէ այս ամսուան վերջաւորութեան Միջին Արեւելք եւ Եւրոպա կատարելիք իր այցելութեան ընթացքին, պիտի քննարկէ Սուրիոյ տագնապին խաղաղ լուծում մը գտնելու կարելիութիւնները՝ աւելցնելով, թէ ան ունի որոշ գաղափարներ, որոնք կրնան համոզել Սուրիոյ նախագահ Պաշշար Ասատը ընդդիմութեան հետ բանակցութեանց ճամբով տագնապը լուծելու:
Իր կարգին, Դամասկոսի մօտ Իրանի դեսպանը յայտարարեց, թէ Թեհրան պատրաստ է Սուրիոյ ազգային հաշտութեան հարցերով նախարարին եւ ընդդիմադիր Ազգային համաձայնական մարմինի նախագահին հանդիպումը հիւրընկալելու, մինչ Սուրիական ընդդիմութիւնը կը պատրաստուէր Գահիրէի մէջ ժողով մը գումարելու՝ քննարկելու համար Դամասկոսի հետ երկխօսութեան նախաձեռնութիւնը:
Միւս կողմէ, Իսրայէլի պաշտպանութեան նախարար Իհուտ Պարաք Ուաշինկթընի մէջ Միացեալ Նահանգներու պաշտպանութեան նախարար Լիան Փանեթայի հետ քննարկած է Սուրիոյ տագնապին եւ Իրանի հիւլէական թղթածրարին վերաբերող հարցեր:

 

LEAVE A REPLY

Please enter your comment!
Please enter your name here