ԸՆՏՐԱԿԱՆ ՕՐԻՆԱԳԻԾ ՄՇԱԿՈՂ ԵՆԹԱՅԱՆՁՆԱԽՈՒՄԲԸ ԱՅՍՕՐ ՊԻՏԻ ԱՄՓՈՓԷ ԻՐ ԱՇԽԱՏԱՆՔԻՆ ԱՐԴԻՒՆՔԸ

0
182

Ընտրական  նոր օրինագիծ  մշակող խորհրդարանական ենթայանձնախումբը այսօր՝  Շաբաթ պիտի  ամփոփէ   իր  տասնհինգօրեայ  նիստերուն եզրակացութիւնը:  Ենթայանձնախումբը երէկ գումարեց նիստ մը, որուն ընթացքին շարունակեց քննարկել ընտրական օրինագիծերուն տարբերակները` նախագահութեամբ երեսփոխան Ռոպեր Ղանեմի:

Նիստէն ետք իր կատարած յայտարարութիւններուն մէջ Ղանեմ յայտնեց, որ ենթայանձնախումբը քննարկած է Լիբանանեան ուժեր կուսակցութեան երեսփոխան Ժորժ Ատուանի մշակած ընտրական օրինագիծը, որուն քննարկումը պիտի շարունակուի ենթայանձնախումբին այսօրուան նիստին` վերջնական տեղեկագիրի մը յանգելու նպատակով:

«Վաղուան (այսօրուան) մեր նիստին ընթացքին պիտի շարունակենք քննարկումները` բոլոր օրինագիծերուն, սկսեալ` երեսփոխան Ալի Պեզզիի մշակած օրինագիծէն, հասնելով մինչեւ Ատուանի մշակած ընտրական օրինագիծը, որպէսզի կարելի ըլլայ յստակ կեցուածք մը ճշդել եւ վերջնական տեղեկագիրը ներկայացնել խորհրդարանի միացեալ յանձնախումբերուն», ըսաւ ան:

Իր կարգին, Ատուան յայտնեց, որ խորհրդարանի նախագահ Նեպիհ Պըրրի ներկայացուցած է համախոհական օրինագիծ մը, որուն հիման վրայ փորձած է ընտրական օրէնքին շուրջ լարուածութիւնը փարատել: «Իմ կարծիքովս, Պըրրիի ներկայացուցած այս առաջարկը միացեալ ենթահող մը ստեղծեց բոլորիս համար` համախոհութիւն մը գոյացնելու առումով ի գործ դրած մեր ջանքերուն մէջ», ըսաւ Ատուան:

 

LEAVE A REPLY

Please enter your comment!
Please enter your name here