ԵՈՒՎԵՆԹՈՒՍ ՊԱՐՏՈՒԵՑԱՒ ՌՈՄԱՅԷՆ – ՄԵՍԻԻ ՆՈՐ ՄՐՑԱՆԻՇԸ

0
150

Իտալիոյ  ֆութպոլի ախոյեանութեան  25-րդ հանգրուանի մրցումներուն գծով ,   Հռոմի  Ողիպիական մարզադաշտին  մէջ,  Ռոմա՝ 1-0 արդիւնքով պարտութեան մատնեց  Եուվենթուսը:  Լարուած պայքարի մէջ կայացող  այս հանդիպումը  վերջ գտաւ  մայրաքաղաքի կազմին  յաղթանակով, երբ  մրցումի   58-րդ վայրկեանին,  Ֆրանչեսքօ Թոթի նշանակեց  իր կազմին եւ  ճակատումին  միակ կոլը:   Ի դէպ, Թոթիի կոլը, անոր 224-րդն էր  Իտալիոյ ֆութպոլի ախոյեանութեան մրցումներու ծիրին մէջ:

Ներկայիս,  Եուվենթուս   55 կէտով կը գլխաւորէ  ախոյեանութեան  ընդհանուր դասաւորման աղիւսակը:  Նափոլի կը գտնուի երկրորդ դիրքի վրայ, Ռոմա՝  7-րդ:

 Սպանիոյ ֆութպոլի ախոյեանութեան 24-րդ հանգրուանի մրցումներուն,  Պարչելոնա մեկնեցաւ  Կրանատա եւ  2-1 արդիւնքով պարտութեան մատնեց տեղւոյն կազմը:  Գաթալոնական կազմին կոլերը նշանակեց  Եւրոպայի  «Ոսկէ Գնդակ« մրցանակի  քառակի դափնեկիր Լիոնէլ Մեսին: Ան միաժամանակ հաստատեց  երկու այլ մրցանիշ:  Սպանիոյ ընթացիկ տարուան ախոյեանութեան նշանակած  կոլերուն թիւը բարձրացուց 37-ի եւ նշանակեց  յաջորդական  իր 14-րդ կոլը:  Մեսի  նաեւ դարձաւ  Սպանիոյ ֆութպոլի ախոյեանութեան պատմութեան մէջ  Պարչելոնայի շապիկով  300 կոլ նշանակող առաջին մարզիկը:  Սոյն յաղթանակէն ետք,  մարզիչ Թիթօ Վիլանովայի կազմը   65 կէտով կը գրաւէ  ընդհանուր  դասաւորման առաջին դիրքը եւ 15 կէտի առաւելութիւն մը կը  վայելէ երկրորդ դիրքի վրայ գտնուող Աթլեթիքօ Մատրիտի նկատմամաբ:

Անգլիոյ բաժակի  1/8-րդ  հանգրուանի մրցումներուն, Էվըրթըն՝ 2-2 արդիւնքով հաւասարութիւն մը արձանագրեց Օլտհամի դէմ: Լոնտոնի մէջ,  Պլեքպըրն  Ռովըրզի կազմը  1-0 արդիւնքով պարտութեան մատնեց Արսենալը: Մրցումէն ետք, Արսենալի մարզիչը Արսէն Ուեկնէր  յայտարարեց, թէ իր խումբը արժանի չէր յաղթանակի:

  Միլուոլ եւ Պարնզլի հասան  բաժակի  քառորդ աւարտականի հանգրուանին:

Գերմանիոյ  ֆութպոլի  ախոյեանութեան 24-րդ հանգրուանի  մրցումներուն, շնորհիւ Մսրքօ Ռոյսի նաշանակած երեք կոլերուն  (հեթ-թրիք) Պորուսիա Տորթմունտ ՝ 3-0 արդիւնքով պարտութեան մատնեց Այնթրախթ Ֆրանքֆորթը: Ընդհանուր դասաւորման մէջ   Մարզիչ Եուրկէն  Կլոպի  կազմը ներկայիս  15 կէտով կը զիջի առաջին դիրքի վրայ գտնուող Պայերն Միւնիխին:  Իսկ  Այնթրախթ Ֆրանֆորթ կը գրաւէ  ընդհանուր դասաւորման   4-ր դիրքը:

Ֆրանսայի  ֆութպոլի ախոյեանութեան  24-րդ հանգրուանի մրցումներուն,  Մարսէյ  1-0 արդիւնքով պարտութեան մատնեց   Վալանսիյէնը:  Մարսէյի կոլը  նշանակեց Ռոտ  Ֆանի: Մարսէյի կազմը ներկայիս   46 կէտով կը գրաւէ ընդհանուր դասաւորման     երկրորդ դիրքը:

ՄԱՐԶԱԿԱՆ ԿԱՐՃ   ԼՈՒՐԵՐ

–          Անգլիական Մանչեսթըր Սիթի ակումբին  տնօրէնութիւնը  հետաքրքրուած է  Սուանսի Սիթիի մարզիչ  Պրայըն Լաուտրուփի քայլերով: Սիթի փոխարինող մը կը  փնտռէ այժմու մարզիչ  Մանչինիին:

–         Լիվըրփուլի մարզիչ  Պրենտըն  Ռոճըրզ խոստովանեցաւ, թէ  բաւական դժուար պիտի ըլլայ ուրուկուէյցի յարձակող  Լուիզ Սուարէզը  յառաջիկայ  տարեշրջանին  պահել   իր կազմին մէջ:  Ռոճըրզի կարծիքով,   Պայերն Միւնիխ, Եուվենթուս եւ  Մանչեսթըր Սիթի  մրցակցութեան մէջ են ունենալու Սուարէզի ստորագրութիւնը:

–         Մանչեսթիըր Եունայթըտ մտադրած է իձեռք բերել  Սթոք Սիթիի   բերդապահ Ասմիր Պեկովիչը: Այս պատճառով, Եունայթըտ այժմէն իսկ պատրաստակամութիւն յայտնած է  վաճառելու  դանիացի բերդապահ Լինտեկարտը:

–         Սպանական Աթլեթիքօ Մատրիտ ակումբը  յօժարած է է  Չելսիին վաճառելու  յարձակող Ֆալքաօն, պայմանաւ, որ յարձակող Ֆեռնանտօ Թորէզը մաս կազմէ փոխանցման համաձայնութեան :

–         Լիվըրփուլի մարզիչ Պրենտըն Ռոճըրզ յայտարարեց, թէ  պատրաստ է առաջարկներ լսելու  Փեփէ Ռէյնայի,  Մարթին Սքրթըլի,  Ժոզէ Էնրիքէի,  Ճորտան Էնտրսընի, Սթիուըրտ Տաունինկի,  Էնտի Գարոլի եւ Սեպասթիան  Գոթէսի համար:

–         Սպանիոյ  ախոյեան Պարչելոնա կը փափաքի իր կազմին մէջ ունենալ Արսենալի կեդրոնական յետսապահ  Թոմաս Վերմալէնը:  Լոնտոնեան կազմը իր կարգին կը փորձէ   իր  կազմին մէջ ունենալ Պարչելոնայի յարձակող Տաւիտ Վիլլան:

«ՉԵՄՓԻԸՆԶ ԼԻԿ»

ԵՐԵՔՇԱԲԹԻ, 19 ՓԵՏՐՈՒԱՐ

ԱՐՍԵՆԱԼ  – ՊԱՅԵՐՆ ՄԻՒՆԻԽ

Երեքշաբթի, 19 Փետրուարի  երեկոյեան, Պէյրութի ժամանակացոյցով  21.45-ին,  Լոնտոնի Էմիրէյց  մարզադաշտին մէջ,  Եւրոպայի ախոյեան ակումբներու «Չեմփիընզ Լիկ» մրցաշարքի  նոք-աութ հանգրուանի երթի մրումներուն գծով, Արսենալ պիտի ընդունի  Գերմանիոյ ախոյեան եւ  մրցաշարքին անցեալ տարուան ֆինասլիտ Պայերն Միւնիխը:

Նոյն պահուն,  Փորթօ իր սեփական դաշտին մէջ պիտի  ընդունի  Մալաքան:

ՉՈՐԵՔՇԱԲԹԻ,  20 ՓԵՏՐՈՒԱՐ

Ա.Սէ. Միլան  –  Պարչելոնա                       Ժամը՝  21.45

 Կալաթասարայ –  Շալքէ 04                          Ժամը՝ 21.45

 

 

LEAVE A REPLY

Please enter your comment!
Please enter your name here