ՀԱՅԱՍՏԱՆԻ ՆԱԽԱԳԱՀԱԿԱՆ ԸՆՏՐԱՍՆՏՈՒԿՆԵՐԸ ԲԱՑՈՒԵՑԱՆ

0
145

Հայաստանի մէջ այսօր առաւօտեան բացուեցան  յետ-անկախութեան ժամանակաշրջանի   նախագահական  վեցերորդ  ընտրութիւններու ընտրասնտուկները:  Քուէարկութիւնը  սկսաւ  Երեւանի ժամով, առաւօտեան ժամը  8-ին:  Քուէատուփերը  սկզբունքով պիտի   փակուին երեկոյեան ժամը՝  20.00-ին:  Ընտրացուցակներու համաձայն, ընտրողներուն թիւը կը գնահատուի  2.5 միլիոն:

Ընտրութիւնները օրինական   ըլլալու համար պայման է, որ  քուէարկութեան մասնակցին ընտրողներու կէսէն աւելին:  Առաջին հանգրուանին  յաղթելու համար, պայման է, որ  թեկնածուն ստանայ  քուէներու 50 առ հարիւրը,  առաւել մէկ ձայն:  Հակառակ պարագային, երկու շաբաթ ետք  տեղի պիտի ունենայ  ընտրութիւններու երկրորդ հանգրուանը:

Հայաստանի նախագահութեան կը յաւակնին եօթ  թեկնածուներ՝ գործող նախագահ Սերժ Սարգսեանը, ծնեալ՝ 30  Յունիս  1954-ին, «Ժառանգութիւն» կուսակցութեան ղեկավար  Ռաֆֆի Յովհաննէսեանը, ծնեալ՝  20 Նոյեմբեր 1959-ին,   «Ազատութիւն» կուսակցութեան  ղեկավար , նախկին վարչապետ  Հրանդ Բագրատեանը, ծնեալ՝ 18 Հոկտեմբեր   1958-ին, ,  «Ազգային  Ինքնորոշում» միաւորումի նախագահ  Պարոյր Հայրիկեանը, ծնեալ՝  5 Յուլիս  1949-ին, «Ռատիօ  Հայ»-ի  խորհուրդի տնօրէն, քաղաքագէտ  Անդրիաս   Ղուկասեանը, ծնեալ՝  12 Մայիս  1970-ին,  եւ  Լեռնային Ղարաբաղի նախկին արտաքին գործոց նախարար Արման Մելիքեանը, ծնեալ՝  1963-ին, եւ  դիւցազնագէտ  Վարդան Սեդրակեանը, ծնեալ՝  20 Օգոստոս   1967-ին:

Ընտրութիւններու  ընթացքին կը հետեւին  մեծ թիւով  միջազգային  դիտորդական  առաքելութիւններ:

LEAVE A REPLY

Please enter your comment!
Please enter your name here