ՆԱԽՆԱԿԱՆ ՏՈՒԵԱԼՆԵՐՈՎ՝ ՀԱՅԱՍՏԱՆԻ ՆԱԽԱԳԱՀԱԿԱՆ ԸՆՏՐՈՒԹԻՒՆՆԵՐՈՒՆ ՄԱՍՆԱԿՑԱԾ Է ՔՈՒԷԱՐԿՈՂՆԵՐՈՒ 60,05 ԱՌ ՀԱՐԻՒՐԸ

0
140

Հայաստանի նախագահական  ընտրութիւններուն մասնակցութիւնը   նախնական տուեալներով  կազմած է   60.05  առ հարիւր:    Կեդրոնական  ընտրական Յանձնաժողովի նախագահ  Տիգրան   Մուկուչեան յայտարարեց, թէ   ժամը   17.00-ի դրութեամբ,  ընտրութւիւններուն մասնակցած է  մէկ միլիոն 518 հազար 407 անձ, կամ՝ քուէարկողներու  60,05 առ հարիւրը:

Երէկ առաւօտեան  ժամը  ութին բացուեցան Հայաստանի նախագահական   ընտրութիւններու քուէատուփերը: Նախագահական  ընտրութիւններու  Կեդրոնական Ընտրական Յանձնաժողովի  նախագահ  Տիգրան  Մուկուչեան  յայտարարեց, թէ շուրջ    երկու միլիոն  505 հազար 980  քաղաքացիներ պիտի    ընտրեն յառաջիկայ տարիներու  երկրի նոր  նախագահը: Ընտրութիւնները օրինական   ըլլալու համար պայման է, որ  քուէարկութեան մասնակցէին ընտրողներու կէսէն աւելին:  Առաջին հանգրուանին  յաղթելու համար, պայման է, որ  թեկնածուն ստանայ  քուէներու 50 առ հարիւրը,  առաւել մէկ ձայն:  Հակառակ պարագային, երկու շաբաթ ետք  տեղի պիտի ունենայ  ընտրութիւններու երկրորդ հանգրուանը:

Հայաստանի նախագահութեան կը յաւակնէին եօթ  թեկնածուներ՝ գործող նախագահ Սերժ Սարգսեանը, ծնեալ՝ 30  Յունիս  1954-ին, «Ժառանգութիւն» կուսակցութեան ղեկավար  Ռաֆֆի Յովհաննէսեանը, ծնեալ՝  20 Նոյեմբեր 1959-ին,   «Ազատութիւն» կուսակցութեան  ղեկավար , նախկին վարչապետ  Հրանդ Բագրատեանը, ծնեալ՝ 18 Հոկտեմբեր   1958-ին, ,  «Ազգային  Ինքնորոշում» միաւորումի նախագահ  Պարոյր Հայրիկեանը, ծնեալ՝  5 Յուլիս  1949-ին, «Ռատիօ  Հայ»-ի  խորհուրդի տնօրէն, քաղաքագէտ  Անդրիաս   Ղուկասեանը, ծնեալ՝  12 Մայիս  1970-ին,  եւ  Լեռնային Ղարաբաղի նախկին արտաքին գործոց նախարար Արման Մելիքեանը, ծնեալ՝  1963-ին, եւ  դիւցազնագէտ  Վարդան Սեդրակեանը, ծնեալ՝  20 Օգոստոս   1967-ին:

Ընտրութեան առաջին  ժամերուն արձանագրուեցաւ, որ  կարգ մը  թեկնածուներու ներկայացուցիչներ չեն ներկայացած   իրենց համար նշուած ընտրատեղամասերը, ուրիշներ  չունէիոն բաւարար  թիւով ներկայացուցիչներ:   Լրատուական աղբիւրներ նաեւ  հաղորդեցին, թէ նախկին նախագահ  Ռոպերթ Քոչարեան երկրէն բացակայ ըլլալու պատճառով,  պիտի   չմասնակցի ընտրութիւններուն:

 

  Հայաստանի  գլխաւոր դատախազութիւնը յայտարարեց, թէ  մինչեւ  17 Փետրուար  2013-ի դրութեամբ,  ստացած է  նախագահի ընտրութիւններուն հետ առնչուող   ընտրական իրաւունքի խախտման   88  բողոք:  Այս առիթով տեղի ունեցած են ստուգումներ:  Չորս խախտումներու շուրջ տրուած է   պարզապանում:  Մէկ   բողոքի  կապակցութեամբ յարուցուած է քրէական  գործ:  Քսան  բողոք մերժուած է, իսկ մնացեալ  61   բողոքներու ուղղութեամբ կը շարունակուի հետաքննութիւն:

  Նախագահութեան  թեկնածու   Ռաֆֆի Յովհաննէսեանի   ներկայացուցիներ Լոռիի մարզի   Տաշիր քաղաքին մէջ նկատած են «լցոնման» դէպքեր:   Հայաստանի ոստիկանութիւնը     հերքեց  տարբեր   ընտրական  շրջաններէ  ընտրողներ,  Երեւան քաղաքի  մէջ վերստին քուէարկութեան  մասնակցելու մասին  Յովհաննէսեանի   բողոքը, զայն  նկատելով յերիւրանք:

Կեդրոնական  ընտրական Յանձնաժողովի նախագահ Տիգրան Մուկուչեան հաւաստեց, թէ  լուրջ ընտրախախտումներ չեն արձանագրուած  ընտրութեան առաջին  ժամերուն:

ՄԻՋԱԶԳԱՅԻՆ ՄԱՄՈՒԼԻ ԱՐՁԱԳԱՆԳԸ  ՀԱՅԱՍՏԱՆԻ  ՆԱԽԱԳԱՀԱԿԱՆ ԸՆՏՐՈՒԹՒԻՆՆԵՐՈՒՆ

  Միջազգային  լրատուական  միջոցները անդրադարձած են Հայաստանի նախագահական ընտրութիւններուն:  Անոնց մեծ մասը  հաւանական  կը գտնէ   գործող նախագահ Սերժ Սարգսեանի յաղթանակը նախագահական ընտրութիւններուն: Պի.Պի.Սի-ի կարծիքով,  Սերժ Սարգսեան պիտի  յաղթէ  ձայներոււ  60 առ հարիիւր համեմատութեամբ:  Պի.Պի.Սի-ն Սարգսեանի  հիմնական մրցակիցը կը նկատէ «Ժառանգութիւն» կուսակցութեան պետ Ռաֆֆի Յովհաննէսեանը:

 

«Ամերիկայի Ձայն»  ռատիօկայանը  անդրադառնալով  նախագահական ընտրութիւններուն  հաղորդեց, թէ  Սերժ Սարգսեանը  յաղթելու պարագային,  Հանրապետական կուսակցութիւնը  պիտի  ղեկավարէ  Կովկասի այս փոքր ժողովուրդին վրայ:

«Ռոյթըրզ»  լրատուական գործակալութիւնը հաղորդեց, թէ  նախագահական ընտրութիւններու քարոզարշաւը  ուղեկցած է    թեկնածուներէն մէկուն՝ Անդրիաս Ղուկասեանի  հացադուլով:  «Ռոյթըրզ» կ’ընգծէ, թէ նախագահական  ընտրութիւններու գլխաւոր նիւթը եղած է  Հայաստանի տնտեսութիւնը: Ան կը յիշեցնէ, թէ Հայաստանի տնտեսութիւնը կաթուածահար դարձած  է  1990-ականներէն ետք:

Գերմանական  «Տէոչէ  Ուելլէ» օրաթերթը կը գրէ, թէ   նախագահական ընտրութիւններու առաջին հանգրուանին Սերժ Սարգսեան պիտի ապահովէ  քուէներու  68  առ հարիւրը:

«Ալ Ժազիրա»յի կարծիքով, Սերժ Սարգսեան  կը մնայ ընտրութիւններէն յաղթանակով դուրս գալու  գլխաւոր   թեկնածուն: 

ԵԱՀԿ ՝  ԸՆՏՐՈՒԹԻՒՆՆԵՐՈՒ  ԳՈՐԾԸՆԹԱՑԸ  Կ’ԸՆԹԱՆԱՅ   ՕՐԷՆՔԻ  ՀԱՄԱՊԱՏԱՍԽԱՆ

 ԵԱՀԿ  ԽՎ  դիտորդական  առաքելութեան  ղեկավար  Թոնինօ  Փիցուլա յայտարարեց, թէ   այն տեղամասերը, որոնք այցելած են դիտորդական առաքելութեան անդամներ, ընտրութիւնները կ’ընթանան   օրէնքի  համապատասխան:  Ան  աւելցուց, թէ դիտորդները նաեւ պիտի այցելեն   Երեւանէն   դուրս այլ մարզեր 1

 Ան նշեց, թէ դիտորդները  Երեքշաբթի,  19 Փետրուարի առաւօտեան ժամը 11-ին պիտի ներկայացնեն իրենց նախնական գնահատականները:  Փիցուլա  նշեց,  թէ  դիտորդները  ոչ միայն  ընտրական  օրուան գնահատականը պիտի  փոխանցեն, այլեւ՝  ամբողջ ընտրարշաւը  հաշուի պիտի առնեն, իրենց եզրակացութիւնը փոխանցելուընթացքին:

 Հայաստանի մէջ ԱՊՀ  դիտորդական առաքելութեան   ղեկավար  Սերկէյ  Լեպետեւ  յոյս յայտնեց, որ  ընտրութիւնները  լաւատեսական  մթնոլորտի  մէջ կ’աւարտին:

Հայաստանի նախագահական  ընտրութիւններուն   միջազգային  դիտորդներուն թիւը կ’անցնի   եօթ հազարը:

  Նախագահութեան  թեկնածու Անդրիաս  Ղուկասեան յայտարարեց, թէ  ֆիզիքապէս  ի վիճակի չէ մասնակցեելու  քուէարկութեան: 

Հայաստանի  Կեդրոնական Ընտրական  Յանձնաժողովը  յայտարարեց, թէ   ժամը 14.00-ի դրութեամբ քուէարկած է  836710 մարդ, որ կը ներկայացնէ  ընտրողներու  33.09 առ հարիւրը1

 Նախագահի  թեկնածու Պարոյր Հայրիկեան յայտարարեց, թէ  քուէարկած էր  Հայաստանի համար:  Արտաքին գործոց նախարար Էտուարտ Նալպանտեան  լագրողներուն յայտնեց, թէ քուէարկած էր որպէսզի յառաջիկայ տարիները  բարօրութեան տարիներ ըլլան Հայաստանի, Լեռնային  Ղարաբաղի եւ աշխարհասփիւռ հայութեան համար:  Հրանդ Բագրատեան յայտարարեց, թէ  քուէարկած է  նոր Հայաաստանի համար:  Նախագահութեան  թեկնածու  Վարդան Սեդրակեան  լրագրողներուն  յայտնեց, թէ  կը սպասէ իր  յաղթանակին:

Կեդրոնական  Ընտրական Յանձնաժողովի տուեալներով   քուէարկողներուն թիւը ժամը  17.00-ի դրութեամբ  բարձրացաւ մէկ միլիոն 259 հազար 374-ի, այսինքն ընտրողներու  49.81  առ հարիւրը:

 

LEAVE A REPLY

Please enter your comment!
Please enter your name here