ԿԸ ՄԵԿՆԱՐԿԷ «ՏՆՏԵՍԱԳԻՏՈՒԹԵԱՆ ԺԱՄԱՆԱԿԱԿԻՑ ՀԻՄՆԱՀԱՐՑԵՐ» ԽՈՐԱԳԻՐՈՎ ԳԻՏԱԺՈՂՈՎԸ

0
127

ՄԱՄԼՈՅ  ՀԱՂՈՐԴԱԳՐՈՒԹԻՒՆ

Հինգշաբթի, 21 Փետրուարի կէսրուան  ժամը 13.00-ին, Երեւանի Պետական Համալսարանի տնտեսագիտութեան ֆակուլտետի դահլիճին մէջ  (Աբովեան 52) պիտի մեկնարկէ «Տնտեսագիտութեան ժամանակակից հիմնահարցեր» խորագիրով երիտասարդ գիտնականներու գիտաժողովը։ Եռօրեայ  այս գիտաժողովը համատեղ կազմակերպած  են Հայաստանի երիտասարդական հիմնադրամը, ԵՊՀ երիտասարդ գիտնականներու միաւորումը և ԵՊՀ տնտեսագիտութեան ֆակուլտետը։  

Հանրապետական երիտասարդական գիտաժողովի նպատակն է երիտասարդ տնտեսագէտներուն հնարաւորութիւն ընձեռել ներկայացնելու տնտեսագիտութեան տարբեր բնագաւառներու մէջ  իրականացուցած սեփական հետազօտութիւնները: Գիտաժողովը հարթակ կը ծառայէ ոչ միայն որոշակի գիտական ուսումնասիրութիւններու ներկայացման, այլեւ՝ երիտասարդներու մասնակցութեամբ ՀՀ տնտեսութեան զարգացման տեսլականի շահագրգիռ քննարկման համար:

Երիտասարդ տնտեսագէտներու հետազօտութիւններու ներկայացմանը ներկայ պիտի  գտնուին նաեւ  երէց սերունդի ներկայացուցիչները, որոնք իրենց առաջարկութիւններով  եւ դիտողութիւններով կը նպաստեն երիտասարդներու հետագայ հետազօտութիւններու որակի բարձրացմանը և արծարծուող խնդիրներու առաւել նպատակասլաց ուսումնասիրմանը: 

Նշենք, որ «Տնտեսագիտութեան ժամանակակից հիմնահարցեր» խորագիրով գիտաժողովը  կ’իրականացուի  ՀՀ նախագահի հովանիին  ներքոյ  կազմակերպուող ՙԱջակցութիւն՝ երիտասարդ գիտնականներուն՚ ծրագրի շրջանակներուն մէջ։

 

 

Հայաստանի երիտասարդական հիմնադրամի

հասարակայնութեան հետ կապերի ծառայութիւն

Հեռ.՝ 010545802 (ներքին՝  16), 093517112

E-mail: [email protected]

http://heh.am/

 

LEAVE A REPLY

Please enter your comment!
Please enter your name here