ՀՀ ՍՓԻՒՌՔԻ ՆԱԽԱՐԱՐ ՀՐԱՆՈՒՇ ՅԱԿՈԲԵԱՆ ԸՆԴՈՒՆԵՑ ՖՐԱՆՍԱՑԻ ԾԵՐԱԿՈՒՏԱԿԱՆ ԿԱՐԻՕ ՄԷՅԼԱՄ ԺՈՅԷԼԸ

0
145

ՀՀ սփիւռքի նախարար Հրանուշ Յակոբեան ընդունեց Ֆրանսացի ծերակուտական  Կարիօ Մէյլամ Ժոէլը: 

Կարիօ Մէյլամ Ժոէլ Ֆրանսայէն դուրս բնակող ֆրանսացիներու ներկայացուցիչն է  Ծերակոյտին մէջ, միաժամանակ՝ Ծերակոյտի արտաքին գործերու, պաշտպանութեան եւ զինուած ուժերու յանձնաժողովի քարտուղարը, Եւրոպական գործերու յանձնաժողովի անդամ, կանանց իրաւունքներու, կանանց ու տղամարդկանց միջեւ հաւասարութեան հարցերով զբաղուող պատուիրակութեան փոխնախագահ, «Ժողովրդական Շարժում Միութեան» խմբակցութեան փոխնախագահ:

 Իր  ֆրանսացի հիւրին խնդրանքով Հրանուշ Յակոբեանը ներկայացուց ՀՀ Սփիւռքի նախարարութեան գործունէութիւնը եւ հայապահպանութեան ուղղութեամբ կատարուող աշխատանքները Սփիւռքի մէջ՝ յատկապէս Ֆրանսայի հայկական համայնքէն ներս:

Նախարար Յակոբեանը անդրադարձաւ մայրենի լեզուի կարեւորութեանը՝ իբրեւ ազգային ինքնութեան պահպանման կարեւորագոյն գործօն եւ նշեց, որ 2013 թուականը ՀՀ Սփիւռքի նախարարութիւնը հռչակած է հայոց լեզուն  արժեւորելու, պահպանելու և սորվելու տարի: Նախարար Յակոբեանը տեղեկացուց,  որ ԵՈՒՆԵՍԿՕ-ի կողմէ  21  փետրուարը «Մայրենիի օր» ճանչցուելու կապակցութեամբ ՀՀ Սփիւռքի նախարարութեան կողմէ կ’իրականացուին մայրենիին նուիրուած միջոցառումներու շարք: Հանդիպման ընթացքին նաեւ նշուեցաւ Հայաստանի մէջ  ֆրանսերէնի լայն տարածման, 2012թուականին՝ Ֆրանքաֆոնիայի միջազգային կազմակերպութեանը Հայաստանի անդամակցութեան մասին:

Խօսելով ՀՀ Սփիւռքի նախարարութեան առաջնահերթութիւններուն մասին՝ Հ. Յակոբեանը ներկայացուց սուրիահայերու աջակցութեան ուղղուած պետական քաղաքականութիւնը եւ այդ ուղղութեամբ ՀՀ Սփիւռքի նախարարութեան կողմէ կատարուող ծրագիրները:

Հանդիպման աւարտին Հրանուշ  Յակոբեանը ծերակուտական  Կարիօ Մէյլամ Ժոէլին առաջարկեց իրականացնել Հայաստանի մէջ  հաստատուած սուրիահայերուն աջակցութեան համատեղ ծրագիրներ:

 

LEAVE A REPLY

Please enter your comment!
Please enter your name here